Microsoft Word etno kitab son srift 12
Yüklə 1,89 Mb. Pdf görüntüsü
|
|
ETNOPSİXOLOGİYA
308 İsveçdə Pasxa zamanı daha aydın və canlı rənglərdən istifadə olunur, sanki rənglərin partlayışı zamanı hesab edilir. Ənənəvi olaraq belə güman edilirdi ki, ağcaqayın budaqları yazın gəlişini tezləşdirir. Buna görə Pasxadan əvvəlki həftələrdə isveçlilər bu budaqları vazalarda yerləşdirərək onlara rəngarəng lələklər bağlayırlar. Bunlar Pasxa budaqları və ya paskris adlanır və İsveçin mağazalarında çoxsaylı alıcılar tərəfindən satın alınır. Ənənəvi olaraq belə inanırlar ki, Pasxa cadugərlərin uçaraq mavi dağda şeytanla görüşdüyü bir müddətdir. Müasir dövrdə isə bu inanc kiçik qızların yanaqlarını çəhrayı rənglə boyayıb qara rəngli nöqtələr qoyaraq qonşulardan öz kofe qablarını şirniyyatlarla doldurul- masını istəmələru ilə əvəz edilmişdir. Danimarkalıların həyatında ən çox sevdikləri üç şey vardır: pivə, doğma şəhər Kopenhagen və Şahzadələri. Onlar hər il Şahzadənin doğum gününü milli bayram səviyyəsində qeyd edir. Danimarkada vintergakker adlı çiçək bitəndə insanlar ailə üzvləri və dostlarına gaekkebrever göndərirlər. Gaekkebrev üzərində kiçik bir şeir yazılmış təbrik kartıdır. Bu məktublar onu göndərən şəxs tərəfindən imzalanmır sadəcə üzərinə iynəni batırmaqla yazan şəxsin adı qoyulur. Bu məktubu alan ailə üzvü və ya dost müəyyən olunmuş vaxt ərzində adı tapmalıdır. Əgər tapa bilsə ona şokolad və pasxa yumurtası hədiyyə olunur. Skandinaviyaşünaslıqda Norveç, İsveç və Danimarkanı müəyyən coğrafi, tarixi, sosial-iqtisadi və mədəni amillərin təsiri altında formalaşan vahid bir birlik kimi qəbul edirlər. Skandinaviya regionuna daxil olan ölkələr arasında etnopsixoloji baxımından bir sıra oxşarlıqlar olsa da, onları hər biri güclü və müstəqil milli “mənliyə” sahibdirlər. Skandinaviya xalqlarının milli xarakterlərinin etnopsixoloji təhlili göstərir ki, ümumi mədəni inkişafa, dillərin, əxlaqi-mənəvi dəyərlərin oxşarlığına baxmayaraq bu xalqlar etnopsixoloji xüsusiyyətlərə görə fərqlənirlər. Ən çox fərqlər norveç və isveç milli xarakterlərində müşahidə olunur. |