Microsoft Word etno kitab son srift 12

ETNOPSİXOLOGİYA 
7 
mahiyyətinə nəzər saldıqda çox qəribə suallarla raslaşırıq. Qonşu 
etnoslara vaxtında və lazımınca bələd olub, onu nəzərə almışıqmı?
İstər həmsərhəd olan, istərsə də torpağımıza pənah gətirən və bi-
zimlə birgə yaşayan xalqların etnik-milli xüsusiyyətlərini vaxtında 
öyrənib düzgün nəzərə ala bildikmi? Təəssüf ki, bu suallara
hələlik müsbət cavab vermək çətindir. Bunun bir səbəbi də etnik 
psixologiyanın mühüm elm sahəsi kimi respublikamızda inkişafına, 
tədrisinə xüsusən də humanitar və sosial ixtisaslar üzrə təhsil alan 
ali məktəb tələblərinə müvafiq bilik, bacarıq və vərdişlərin öyrədil-
məsinə lazımi diqqətin yetirilməməsi ilə əlaqədardır. Halbuki, etnik 
psixologiya hər bir xalqın milli özünüdərkinə yaxından kömək 
etməklə yanaşı, millətlərarası və dövlətlərarası münasibətlərin 
düzgün tənziminə xidmət etmiş olur. 
Dərs vəsaitinin də əsas qayəsi Regionşünaslıq ixtisası üzrə 
təhsil alan tələbələrin multikultural psixoloji səriştəsini yüksəltmək, 
onlara öyrəndikləri ölkənin və xalqın etnik-milli psixoloji xüsusiy-
yətləri ilə bağlı zəruri olan bilik, bacarıq və vərdişləri aşılamaqdır. 
İnkişaf və tərəqqinin müasir mərhələsi, ölkəmizin müstəqil 
dövlət olaraq dünya dövlətləri və xalqları ilə birbaşa siyasi, sosial-
iqtisadi və mədəni əlaqələr qurma zərurəti ölkə vətəndaşının, 
xüsusilə də ali təhsilli mütəxəssislərin psixoloji səriştəsini, 
ümumən kross-kultural mədəniyyətini yüksəltməyi bir peşə zərurəti 
kimi qarşıya qoyduğu halda etnik psixoloji biliklərə yiyələnmək 
çox ciddi elmi-nəzəri və praktik əhəmiyyət kəsb edir.
Müasir dövrdə beynəlxalq münasibətlər və regionşünaslıq 
sahəsində fəaliyyət göstərəcək mütəxəssislərin hazırlanmasında 
xalqların və millətlərin etnopsixoloji və milli xüsusiyyətlərini 
bilməsi həmin ixtisas sahibləri üçün adi peşə norması hesab 
olunur. Məhz “İxtisas ölkəsi xalqlarının etnopsixologiyası” fənni 
üzrə dərs vəsaitinin yazılması zərurəti yaranmışdır. 
“Etnopsixologiya” adlı dərs vəsaiti ön söz, beş fəsil və 
ədəbiyyat siyahısından ibarətdir. Kitabın ilk dörd fəslində 
etnopsixologiyanın nəzəri məsələlərindən, psixologiyanın bir sahəsi 
kimi inkişaf tarixindən, etnik identikliyin sosial-psixoloji aspekt-

---