Microsoft Word etno kitab son srift 12

ETNOPSİXOLOGİYA 
160 
səslə danışırlar. Gürcüstanlı qızlar digər Qafqaz xalqlarının 
(Çərkəz) qızları kimi hündür görünürlər. 
Dostluq və qonaqpərvərlik gürcülərin əsas xüsusiyyətləridir. 
“Qonaq Allah qonağıdır!” qapısını qonaq açan istənilən gürcü 
evində belə deyirlər. Gürcüstanın müxtəlif bölgəsində fərqli süfrə 
ənənələri vardır (Guria süfrəsi, Megreliya süfrəsi və.b) Evin sahibi 
uzun stol açır, dostları çağırır, tamada dəvət edir, masanın üzərinə 
“Borjomi” suyu və ən yaxşı şərabını qoyur. Məsələn, tünd yaqut 
rəngli, zərif ətirli turş “Mukuzani” şərabı. Bütün dünyada məşhur 
olan daha bir gürcü şərabı qırmızı kəmşirin “Kindzmarauli”dir. 
Təcrübəli şərabçılar onu “möhtəşəm, yetişmiş və tez təsirləndirən, 
nəfis giləmeyvə ətri və heyranedici dad verən şərab” kimi 
qiymətləndirirlər 
Supra gürcü süfrəsi həmişə sağlıqlarla və rəqslərlə müşayiət 
olunur. Məclis ənənəvi çoxsəsli gürcü xoru ilə bitir, mərd igidlərin 
və gözəl qadınların oxuduqları xalq mahnısı dağlarda əks-səda 
verir. Dan yeri ağarana qədər yeyilən yeyilir, içilən içilir, üstündən 
də mahnılar oxunur. Hava işıqlaşanda isə “meore supra”, ikinci 
süfrə başlanır. Qonaqların qarşısına ağappaq təzə süfrə sərilir, 
süfrəyə xoş ətirli dadlı qəlyanaltılar düzülür. 
Yerli mətbəx, sözün əsl mənasında, yüksək sənət 
nümunəsidir. Adi göyərtidən bir şey yaratmaq üçün nə qədər səy və 
fantaziya lazım olduğu yalnız gürcü aşpazına bəllidir. Məsələn, 
əfsanəvi concoli görünüşünə görə adi bitki budaqlarıdır, lakin 
əslində, delikatesdir, yalnız bir yerdə Leçxumedə toplanır, duza 
qoyulur və iki sutkadan artıq olmamaq şərtilə saxlanılır. Bir çəngə 
ətirli göyərti keşniş, tərxun, reyhan, kəkotu, soğan, nanə masa 
üzərində qoz sousunda təzə və bişmiş otların qarışığından ibarət 
xırda doğranmış pxalinin yanında sadə ikebanaya bənzəyir. 
Gürcüstan abidələrinə, adət-ənənələrinə, mətbəxinə görə 
qədim ölkədir. Burada yerləşən abidələr qədim olmasına 
baxmayaraq dövlət tərəfindən hələ də qorunub saxlanılır. 
Kartlis Deda (gürcücə: “Gürcüstanın Anası”) Gürcüstan 
paytaxtı Tiflis şəhərinin simvolu hesab edilən heykəldir. 

---