Microsoft Word etno kitab son srift 12
Yüklə 1,89 Mb. Pdf görüntüsü
|
|
ETNOPSİXOLOGİYA
155 sövdələşmədə danışıqlar aparılması taktikasını dəyişmək xarakterik deyildir. Yaponlar üçün partnyorları onlara böyük güzəştlər edəcəyi təqdirdə onlara pozitiv münasibətlə cavab verməyə can atmaq xarakterikdir. Partnyorların etdikləri güzəştlər onları yaponların gözündə hər zaman daha yüksək edir. Yaponlar bunu bir növ özlərinə qarşı hörmət olaraq qəbul edirlər. Praktik olaraq bu, hansısa başqa bir məqamda yaponların da onlara qarşılıqlı güzəştə gedəcəyi mesajını verir. Yaponlarla danışıqlarda unutmamaq lazımdır ki, onlar “yox” sözünü deməkdən qaçırlar. Onlar öz narazılıqları və etirazlarını təbəssümlə ifadə edirlər. Hətta ikinci çayı istəyib istəməməklə bağlı yapona verilən suala o “Təşəkkür edirəm, ehtiyac yoxdur” əvəzinə hərfi tərcümədə “Mən belə də çox rahatam” ifadəsini bildirərək cavab verirlər. Yaponlar bütün bacarıqları ilə həmsöhbətlərini dinləməyə olan maraqlarını nümayiş etdirirlər. Avropalılar isə bu davranışı çox zaman söylənilən təklifə razılıq əlaməti olaraq şərh edirlər. Əslində isə hədsiz diqqət, baş ilə razılıq bildirmə və yapon ifadəsi olan “xay” (“hə”) heç də razılığı bildirmir. Bu sadəcə olaraq söylənilən məlumatın eşidildiyi və ya anlaşıldığını bildirmək üçün, eyni zamanda həmsöhbətin fikrini davam edə bilməsi üçün bir işarə rolunu oynayır. Belə çıxır ki, yaponlar özləri qarşı tərəfə yalnış siqnallar ötürürlər. Buna əsasən, onların qeyri-dürüst və məkrli olmasını düşünmək olar. Həqiqətdə isə yaponlar sadəcə ölkələrində qəbul edilmiş adətlərə uyğun olaraq etik norma və qaydalara əməl edirlər. Suallar 4. Mədəniyyətlər arası adaptasiya probleminin mahiyyəti nədən ibarətdir? 5. Sosial davranışın tənzimlənməsinin mədəni müxtəlifliyi haqqında məlumat verin. 6. İndividualist mədəniyyət dedikdə nə başa düşürsünüz? 7. Kollektivist mədəniyyət dedikdə nə başa düşürsünüz? |