Microsoft Word etno kitab son srift 12

ETNOPSİXOLOGİYA 
269 
mərkəzində saxlanılır. Oğlanlardan fərqli olaraq qızların tərbiyəsi 
ilə ana məşğul olur. Oğlanlar Vətənə, milli dəyərlərə, torpağa 
bağlılıqda, dünyanın harasında olsa da öz milli mənsubiyyətini 
(almanlığını) unutmamalı olduğunu artıq kiçik yaşlarından 
özlərində formalaşdırırlar. “Alman harda olsa da, almandır” deyimi 
milli təfəkkürdə həkk olunub. Alman yazıçısı F.Kafkanın “Atama 
məktub” əsərində milli təfəkkürün təzahürünündə ata obrazına 
münasibəti görmək olar. Ata öz soyuqqanlığı ilə oğlan uşaqlarına 
sanki bir məktəb yaradır. 
Almaniyada təhsil. Almaniyada elm orta əsrlərdən bəri 
sürətlə inkişaf etməkdədir. Hal-hazırda da Almaniyada elmə çox 
yüksək səviyyədə maddi vəsait ayrılır və bu məqam ölkə 
iqtisadiyyatının sürətlə inkişafına əsas təkan verən amillərdəndir. 
Nəticə olaraq indiyə kimi 103 alman Nobel mükafatına layiq 
görülmüşdür. Müasir dövrdə Almaniyada elmin inkişafına sənaye, 
universitetlər və dövlət tərəfindən böyük həcmdə yardımlar ayrılır. 
Almaniyada təhsil almaq bir çox gənclərin arzusu sayılır və 
bunun üçün çoxlu səbəblər vardır. Almaniyada 380-ə yaxın 
universitet və tətbiqi yönümlü ali məktəblər (Fachhoschulen) 
mövcuddur ki, gənclər uzunmüddətli ənənəsi və yüksək akademik 
səviyyəsi ilə seçilən bu təhsil ocaqlarında təhsil ala bilərlər. Alman 
universitetləri texniki cəhətdən çox yaxşı təşkil olunmuş 
laboratoriyalarla yanaşı, həmçinin zəngin kitabxanaya malikdirlər. 
Dünya səviyyəsində kitabxana dedikdə alman kitab evlərini və oxu 
zallarını göz önünə gətirmək olar. Bu məkanlar sanki dünyanın ən 
sakit bir guşəsidir, insanların davranış tərzlərində alman 
hegemonluğu burada hiss olunmur. 
Hər bir tələbənin aylıq xərci üçün təqribən 800 Avro 
hesablamalıdır ki, buraya qidalanma, qalma və sığorta xərcləri də 
daxildir. Hazırda Azərbaycan üzrə DAAD-nin bakalavr təhsili üçün 
təqaüd təklif etmədiyinə baxmayaraq Almaniyada təhsil almağa 
dəyər. Almaniya beynəlxalq tələbələr arasında ən çox sevilən təhsil 
ölkələri siyahısına daxildir.
Almaniyada yüksək səviyyəli və keyfiyyətli təhsil 

---