Microsoft Word etno kitab son srift 12
Yüklə 1,89 Mb. Pdf görüntüsü
|
|
ETNOPSİXOLOGİYA
10 əmələ gəlməsi baş verir. 7. Elm həm də əldə olunan elmi biliklərin praktik və nəzəri əhəmiyyətilə xarakterizə olunur. Həmin biliklərdən harada və necə istifadə olunacaq? Elm sahəsini xarakterizə edən ən mühüm amillərdən praktik məsələlərin həlli prosesində, praktik tələbatlar zamanı əldə olunan nəticələrdən istifadə olunmasıdır. 8. Elmin başqa elm sahələri ilə əlaqəsi və elmlər sistemində yeri. 9. Elmi xarakterizə edərkən diqqət yetirilən məsələlərdən biri, həmin elm sahəsinin predmetinin yığcam formada ifadə olun- masıdır. Bəzən bu cəhət süni şəkildə ön plana keçiriləndə belə bir sual ortalığa çıxır ki, əgər elmi təyin edən və kitablarda, müha- zirələrdə hamının qəbul etdiyi konkret anlayış yoxdursa, onda de- məli həmin elm sahəsi yoxdur? Belə mübahisəli məsələ psixologiya ilə müqayisədə daha çox inkişaf səviyyəsində olan elm sahələrində mövcuddur. Məsələn, riyaziyyatın nə ilə məşğul olduğunu hamını qane edən bir ifadə ilə qeyd etmək çox çətindir. Çünki, elm hər gün yeniliklər hesabına dəyişir və yeniləşir. Ona görə də elmin predmetinin bir sözlə ifadə olunub-olunmamasını, heç də həmin elmin mövcudluğu məsələsi kimi qəbul etmək düzgün deyildir. Etnopsixologiya XIX və XX əsrlərin qovşağında sosial psixo- logiya, sosiologiya, etnoqrafiya, antropologiya, tarixi psixologiya, linqivistika, dinşünaslıq, fəlsəfə kimi çoxsaylı elmlərin hüdudunda əmələ gəlib və fənlərarası bilik sahəsi kimi inkişaf edir. Etnopsi- xologiya termini üç yunan “etnos” tayfa, xalq, “psyuxe” ruh, ruhi aləm, “loqos” isə bilik, öyrənmək, elm sözlərinin birləşməsindən əmələ gəlmişdir. Etnopsixologiya termini evristik mənada elmin predmetini ifadə edir, yəni etnopsixologiya etnosların, xalqların psixologiyasını öyrənir. “Etnopsixologiya” söz birləşməsində etnik sözünün özünəməxsus məntiqi mənası vardır. Belə ki, burada öyrənilən psixoloji hadisələrin yalnız məxsusi cəhətləri “etnik” sözü ilə ifadə olunur. Başqa sözlə, etnik psixologiya ayrı-ayrılıqda etnik və ya psixoloji hadisələri öyrənməklə məşğul deyil.Onun əsas məğzini etnik mənsubiyyətlə şərtlənən psixoloji hadisələr təşkil |