Microsoft Word etno kitab son srift 12
Yüklə 1,89 Mb. Pdf görüntüsü
|
|
ETNOPSİXOLOGİYA
9 I FƏSİL ETNOPSİXOLOGİYA İNTEQRATİV BİLİK SAHƏSİ KİMİ 1.1.Etnopsixologiyanın predmeti və vəzifələri Hər hansı bir elmi səciyyələndirərkən, adətən aşağıdakı suallara cavab tapmağa çalışırlar. 1. Bu elm hansı faktları və hadisələri araşdırır, öyrənir? 2. Elm sahəsi özünə lazım olan faktları hansı metodlarla və yollarla əldə edir? 3. Öyrənilən, tədqiq olunan, təsnif edilən hadisələr hansı anlayışlar vasitəsilə ifadə olunur? Çünki, anlayışlar sisteminin özü də elmin xarakteristikasına aid olunur. Yəni elm hansı anlayışlar- dan istifadə etməklə öz obyektini tədqiq edir. 4. Hər hansı hadisəni öyrənərkən tədqiqatçılar hansı nəzəri metodoloji prinsiplərə, qanunlara əməl edir və onları nəzərə alırlar. Tədqiqat prinsipləri və qanunları, anlayışlar sistemi birlikdə elmin nəzəri məzmunu, faktlar və hadisələr isə empirik tərəfini təşkil edir. 5. Elm sahəsinin inkişaf etməsi ilə əlaqədar olaraq tədqiqat- çılar qarşısında dayanan yeni vəzifələr və problemlər hansılardır? Bu problemlərin bir qismi artıq həll olunmuşdur, başqaları isə hələ öz həllini gözləyir. Bir məsələni də qeyd etmək lazımdır ki, psixologiyada həll olunmuş və həll olunmamış problem adı şərti xarakter daşıyır. Çünki, hər hansı bir problemin tam şəkildə axıra qədər həll olunmuşdursa, demək o qədər də düzgün deyil, sadəcə olaraq həllə yaxınlaşmaq olar. 6. Elmin inkişaf istiqamətləri, sahələri. Hər hansı mürəkkəb hadisə, mürəkkəb obyekt müxtəlif aspektlərdən öyrənilir. Ona görə də hər bir tədqiqatçı öyrənilən obyektin müəyyən cəhətini ön plana çıxarır. Bu baxımdan müxtəlif istiqamətlər, cərəyanlar meydana çıxır və onlar arasında elmi mübahisələr baş verir. Bundan başqa hər bir elmin özündə differensasiya gedir və yeni elm sahələrinin |