|
Kollektiv fəaliyyət. Şagirdlər yalnız onlarla birbaşa ünsiyyətdə olan və onlara müəyyən fənni tədris edən müəllimlərdən
deyil eyni zamanda məktəbin digər müəllimlərindən, məktəbin rəhbərliyindən, məktəb rəhbərliyi ilə müəllimlər arasındakı
münasibətdən, məktəbin idarə olunma şəklindən də təsirlənirlər. Şagirdlər onlara bu haqda birbaşa məlumat verilməsə belə,
müəllimlər otağında baş verənləri, rəhbərliyin müəllimlərlə, müəllimlərin bir-biriləri ilə münasibət və davranışlarını
müşahidə edir.
Müəllimlərin pedaqoji fəaliyyətində yaradıcılığı məhdudlaşdıran, innovasiyaların yalnız hiyerarxik əmrlə tətbiqinin
mümkünlüyünə inanan, gənc müəllimlərin yeni fikirlərinə dırnaqarası baxan və onları ənənəvi metodların qısqacında
saxlamağa çalışan rəhbərlik və idarə etmə üsulu şagirdlərin zehnində təzyiqçi, qeyri-sivil bir kollektiv/cəmiyyət modeli
formalaşdırır. Halbuki, məktəb rəhbərliyi tərəfindən seçilmiş düzgün strategiya, demokratik yanaşma müəllimlərdə
motivasiya meydana gətirməklə yanaşı şagirdlərə də nümunəvi cəmiyyət, kollektiv və müştərək fəaliyyət nümunəsi təqdim
etməkdədir.
Dostları ilə paylaş: | 
