Microsoft Word mm cavab az imtahan docx

Üçüncü mərhələdə aşağıdakı məsələlər həll edilir:
1. Zərər çəkmiş rayonlarda əhalinin normal həyat fəaliyyətinin təmin edilməsi; bu 
məqsədlə:
-yaşayış evlərinin bərpası və ya bu məqsədlə müvəqqəti binalar tikilməsi;
-enerji, qaz, su təchizatının, kommunal xidmət obyektlərinin, rabitə xətlərinin 
bərpa edilməsi;
-zədələnmə ocağının sanitar təmizlənməsi;
-əhaliyə yardım göstərilməsi, adamların ərzaq məhsulları, gündəlik təlabat əşyaları 
ilə təmin edilməsi.
2. Köçürülmüş əhalinin öz yerlərinə qaytarılması.
3. Təsərrüfat obyektlərinin fəaliyyətinin bərpa edilməsi.
Bu tədbirlərin icrası üzrə görüləcək işlərin həcmi və xarakteri fövqəladə hadisənin 
növündən, miqyasından və vaxtdan asılı olacaqdır.

---

39.Fövqəladə hadisə nəticələrinin aradan qaldırılmasına cəlb 
edilən qüvvə və vasitələr. 
Qəzaların nəticələrini aradan qaldırmaq - müvafiq sənaye sahələrinin və ya 
ə
razi (şəhər, qəsəbə) təşkilatlarının tabeliyindəki obyektlərdə olan xüsusi 
xidmətlərin və ayrı-ayrı mütəxəssislərin, yanğınsöndürmə və meşə yanğını 
komandalarının, elektrik şəbəkəsi, rabitə, qaz təchizatı, su təchizatı, kanalizasiya, 
istilik təchizatı qəza xidmətlərinin, dəmiryolu bərpa qatarlarının, qəza xilasetmə 
gəmilərinin, avtomobil nəqliyyatı texniki-qəza xidmətinin, təcili tibbi yardım 
xidmətinin və s. xidmətlərin vəzifəsidir.
Müxtəlif təsərrüfat obyektlərində baş verən kiçik qəzalar və yanğınlar həmin 
obyektlərin müdriyyəti tərəfindən öz qüvvələri ilə, eləcə də ərazi təşkilatlarındakı 
(xüsusi xidmətlərin) mütəxəssislərinin qüvvələri ilə aradan qaldırılır.
Bir sıra sənaye və təsərrüfat sahələrində (dağ-sənaye sahələrinin şaxtalarında, 
metrotunel, kollektor tikintisində, neft mədənlərində, neft-kimya müəssisələrində) 
qəzaların aradan qaldırılması üzrə işlərdə respiratorlardan istifadə edilməsi tələb 
olunduğu üçün belə müəssisələrdə xüsusi qazdan xilasetma və dağmədən işlərində 
xilasetmə dəstələri - komandalar dəstələr və s. habelə gəmiçilik idarələrinin qəza-
xilasetmə dəstələri yaradılır.
Mədən işlərində xilasetmə dəstələrinə aşağıdakılar həvalə edilir: kömur və filiz 
mədənlərində, metropolitendə, neft və kimya sənayesi müəssisələrində qəzalar 
zamanı adamların xilas edilməsi; yeraltı qəza nəticələrinin aradan qaldırılması 
işlərinin aparılması respiratorlardan istifadə etməklə profilaktika işləri görmək 
tələb olunan şəraitdə yeraltı və yerüstü yanğınların, alışmış neft və qaz 
fəvvarələrinin və s. söndürülməsi; qəzaların qarşısını almaq üçün profilaktika 
işlərinin icra edilməsi; respiratordan istifadə olunması tələb edilən texniki işlərin 
yerinə yetirilməsi və s.
Güclü fəlakətlərə qarşı işlərə rəhbərlik etmək, eləcə də onların nəticələrinin 
aradan qaldırılması üzrə təxirəsalınmaz tədbirlər görmək üçün respublikada 
Fövqəladə Hallar Nazirliyi yaradılmışdır. Bu nazirliyə zərər çəkmiş əhaliyə yardım 
göstərilməsi, dövlətin maddi sərvətlərinin və vətəndaşların əmlakının xilas 
edilməsinə yerli qüvvə və vasitələrin cəlb olunması sahəsində geniş səlahiyyətlər 
verilmişdir. Təbii fəlakətlərlə mübarizə tədbirlərində nəinki fəlakət baş vermiş 
ə
razidəki iş qabiliyyətli əhali, həm də respublikanın digər rayonlarının əhalisi fəal 
iştirak etməlidir.
Fəlakatlərlə mübarizəyə təsərrüfat obyektlərinin fəhlə və qulluqçuları da cəlb 
edilir; bu məqsədlə onlardan hərbiləşdirilməmiş dəstələr (xilasedici, qəza-bərpa və 
digər dəstələr, komandalar, qruplar və manqalar, rabitə, yanğın və s.) yaradılır. 
Bəzi təhlükəli hallarda güclü qəzaların aradan qaldırılması və təbii fəlakətlərlə 
mübarizə işlərinə hərbi hissələr cəlb edilə bilər.