Microsoft Word mulki huquq doc

ləşdirilir. Bəzi istisna hallarda müqavilənin konkret şərtinin məzmunu qanunla və digər hüquqi aktlar ilə müəy-

yən olunur. Biz bu barədə bundan əvvəlki paraqrafda danışmışıq.  

---

 

414

Hüquq ədəbiyyatında öz hüquqi əhəmiyyətinə görə bütün müqavilə şərtlərini üç yerə bölürlər: 

●

 mühüm şərtlərə; 

●

 adi şərtlərə; 

●

 təsadüfi şərtlərə. 

Müqavilənin bağlanması üçün zəruri olan və kifayət edən şərtlərə müqavilənin mühüm şərtləri deyilir. Bu, 

müqavilənin məcburi şərti hesab edilir. Bu, o deməkdir ki, müqavilənin bağlanmış sayılması üçün onun bütün 

mühüm şərtləri barədə tərəflərin razılığa gəlmələri tələb olunur. Tərəflər müqavilənin bütün mühüm şərtləri ba-

rəsində razılığa gəldikdə, müqavilə bağlanmış sayılır (MM-in 405-ji maddəsinin 1-ji bəndi). Əgər müqavilənin 

mühüm şərtlərindən heç olmazsa, biri barədə tərəflər razılığa gəlməzsə, onda müqavilənin bağlanmasından söh-

bət gedə bilməz. Ona görə də zəruridir ki, hansı müqavilə şərtlərinin mühüm şərt hesab edilməsi müəyyənləşdi-

rilsin. Bunun üçün mülki qanunvericilik müəyyən qayda müəyyən  edir ki, bu, MM-in 405-ji maddəsinin 1-ji 

bəndində nəzərdə tutulmuşdur. Həmin qaydaya görə, müqavilənin mühüm şərtlərinə üç qrup şərt daxil edilir: 

●

 müqavilənin predmetinə dair şərtlər; 

●

 MM-də həmin növ müqavilələr üçün mühüm və ya zəruri adlandırılmış şərtlər; 

●

 tərəflərdən birinin müraciəti ilə barəsində razılaşma əldə edilməli olan bütün şərtlər.