Microsoft Word Qebele-Son variant
Yüklə 1,9 Mb. Pdf görüntüsü
|
|
“Qəbələdə mehmanxanalar tikilir, buranın çox gözəl təbiəti var. Turizm üçün çox
gözəl yerlər var. Turizmin inkişafı, infrastrukturun inkişafı, sosial məsələlərin həlli, məktəb tikintisi - bütün bunlar Qəbələ rayonunun inkişafında çox mühüm rol oynayan amillərdir. Rayonun potensialı ildən-ilə möhkəmlənir və mən bu gün deyə bilərəm ki, Qəbələ rayonu Azərbaycanın ən sürətlə inkişaf edən rayonları sırasındadır. Bu uğurlar münasibətilə mən sizin hamınızı təbrik edirəm.” – deyən ölkə başçısı bu istiqamətdə görülən layihələrin gələcəkdə nəinki bölgəyə, xüsusən Azərbaycana uğurlar gətirəcəyindən bəhs edir… Azərbaycan Prezidenti İlham Əliyev martın 2-də Qəbələ rayonunda Müalicə- Diaqnostika Mərkəzinin tikintisi ilə tanış olur. Prezidentə məlumat verilir ki, mərkəzin tikintisinə 2005-ci ildə başlanılıb, bu ilin avqust ayında inşaat işləri tamamlanacaqdır. ARDNŞ-in sifarişi ilə tikilən bu mərkəzə 4 milyon manat, o cümlədən avadanlığın, cihazların və digər inventarların alınması üçün 3,5 milyon manat vəsait xərclənəcəkdir. Mərkəzin layihəsi ilə tanış olan Prezident İlham Əliyev, artıq ölkəmizin 10 rayonunda bu cür səhiyyə ocaqlarının yaradıldığını xatırladaraq deyir ki, Qəbələdə də belə bir mərkəzin istifadəyə verilməsi əhaliyə göstərilən səhiyyə xidmətinin səviyyəsini yüksəldəcəkdir. Prezident İlham Əliyev Lənkəran Müalicə-Diaqnostika Mərkəzində açıq ürək üzərində əməliyyat aparıldığını bildirir ki, gələcəkdə Qəbələdən də xəstələrin Bakıya getməsinə ehtiyac qalmayacaq, burada da mürəkkəb cərrahiyyə əməliyyatlarının keçirilməsi mümkün olacaqdır. Prezident İlham Əliyev müalicə-diaqnostika mərkəzinin xarici görünüşünün də müasir standartlara uyğun olması üçün tövsiyə və tapşırıqlarını verir. Prezident İlham Əliyev inşaatçılarla da görüşüb söhbət edir. Qəbələ rayonunda bundan sonra da tikinti işlərinin hələ çox olacağını bildirir və onlara uğurlar arzulayır… Azərbaycan Prezidenti İlham Əliyev həmin gün “Gilan Holdinq” Şirkətlər Qrupunun Qəbələ konserv zavodunda olur. Zavodun direktoru Rövşən Fərhadov Prezident İlham Əliyevə məlumat verir ki, 2005- ci ilin avqust ayında dövlət başçısının xeyir-duası ilə təməli qoyulmuş və hazırda istifadəyə verilən zavod Regionların sosial-iqtisadi inkişafına dair Dövlət Proqramının həyata keçirilməsinin bəhrəsidir. Respublika iqtisadiyyatında əhəmiyyətli yer tutacaq müəssisənin istehsal gücü və texniki avadanlıq cəhətdən Qafqazda analoqu yoxdur. Ən müasir dünya standartlarına cavab verən avadanlıq İtaliyanın “Podovan” şirkəti tərəfindən quraşdırılaraq istifadəyə verilib. İllik istehsal gücü 70 min ton olan zavodda 150 nəfər işləyir, orta aylıq əməkhaqqı 200 manatdır. Meyvə tədarükü mövsümündə işçilərin sayı 300-350 nəfərə çatır. Məhsul istehsalında istifadə olunan meyvə və giləmeyvənin tədarükü kənd əhalisinin məşğulluğuna kömək edir, pul gəlirlərinin artmasına əhəmiyyətli şəkildə təsir göstərir. Gələcəkdə zavodun xammala olan tələbatının ödənilməsi məqsədilə 100 hektardan artıq sahədə meyvə bağları salınıb. Zavodda müxtəlif növ meyvə püreləri, konsentratlar, şirələr, turşular, mürəbbələr, cemlər istehsal edilir. Prezident İlham Əliyev müəssisənin istehsal sahələrini gəzir, məhsulun qəbulu, təmizlənməsi, emalı və bankalara doldurulması prosesini izləyir, hazır məhsuldan dadır. Dövlətimizin başçısı istehsal olunan məhsulların sərgisinə də baxır. Sərgidə 40 çeşiddə şirə, cem, mürəbbə, turşular nümayiş etdirilirdi və bildirildi ki, gələcəkdə yüz adda məhsul buraxılacaqdır. Bu məhsullar yerli və xarici bazarın tələblərinə cavab verir, HACCP və İSO standartlar sertifikatına layiq görülmüşdür. İstehsal olunan məhsul nümunələri bir çox xarici ölkə nümayəndələri tərəfindən laborator analizindən keçirilərək, yüksək qiymət almış və böyük maraq doğurmuşdur. Bu da deməyə əsas verir ki, müəssisə məhsullarını bir çox xarici ölkələrdə də sata biləcək, Azərbaycanın yüksək keyfiyyətli məhsullarını dünyaya tanıdacaqdır. Prezident İlham Əliyev “Gilan Holdinq” Şirkətlər Qrupuna məxsus “Aqro-Azərinvest” Məhdud Məsuliyyətli Cəmiyyətin fəaliyyəti barədə lövhə ilə də tanış olur, Şirkətlər Qrupunun fəaliyyətindən bəhs edən filmə baxır. Bildirilir ki, “Aqro-Azərinvest” MMC 2004-cü ildə yaradılmışdır. Perspektiv plana müvafiq olaraq, yeni üzümlüklər salınır. Cəmiyyətin respublikanın müxtəlif rayonlarında 1200 hektardan artıq torpaq sahəsi var. Bunun 310 hektarı öz mülkiyyətidir, qalanı isə uzunmüddətli - 99 illiyə icarəyə götürülmüşdür. Xanlar, Qəbələ, Yevlax, Samux rayonlarında üzüm bağları salınmışdır. 2006-cı ildə Qəbələ rayonunda istifadəyə verilmiş və istehsal gücü saatda 1,5 min qab olan sexdə müxtəlif ölçülü butulkalarda ağ və qırmızı şərab istehsal olunur. Burada 3 litrlik plastik qablara doldurulmuş şərablar da buraxılır. 2007-ci ildən isə üzüm şirəsinin istehsalı da nəzərdə tutulur. 2008-ci ilin yığım mövsümündə isə eyni vaxtda 1000 ton süfrə üzümünün saxlanması üçün soyuducu anbarın və kişmiş istehsal etmək üçün illik gücü 1000 ton olan sexin tikintisinə də başlanacaqdır. Prezident İlham Əliyev “Gilan Holdinq” şirkətlər qrupunun inşa etdiyi Qəbələ ticarət kompleksi ilə tanış olur. Prezidentə məlumat verilir ki, 4,6 hektar ərazidə yerləşən kompleksin tikintisi 2005-ci ilin iyun ayında başlanıb, keçən ilin sonunda tamamlanıb. Ümumilikdə, 2 milyon 625 min manat vəsait xərclənib. Əhaliyə nümunəvi xidmət göstərilən kompleksdə ən müxtəlif mallar, habelə kənd təsərrüfatı məhsulları satılır. Burada 700 nəfər işlə təmin olunub. Prezident İlham Əliyev geyim dəstləri, kompleksin süd, meyvə-tərəvəz, ət və ət məhsulları satılan bölmələrini gəzir, malların çeşidləri, qiyməti, keyfiyyəti ilə maraqlanır. Satıcılar, fermerlər onlara yaradılan müasir şəraitə, regionların sosial-iqtisadi inkişafına, kəndli fermer təsərrüfatlarına göstərilən diqqət və qayğıya görə prezidentə minnətdarlıq edirlər. Əhaliyə satılan kənd təsərrüfatı məhsullarının keyfiyyətindən və bu cür müasir ticarət obyektlərinin fəaliyyətindən razılığını deyən dövlət başçısı satış mərkəzinin əhəmiyyətindən danışır… Martın ikisində Qəbələ şəhərində görkəmli oftalmoloq alim, akademik Zərifə xanım Əliyevanın adını daşıyan parkın açılışında iştirak edən prezident İlham Əliyev rayon ictimaiyyətinin nümayəndələri ilə bir arada olur. 6,5 hektar ərazini əhatə edən parkda milliliklə müasirlik çox uyarlı şəkildə uzlaşdırılıb. Burada kafe, şirniyyat evi, idman kompleksi, ağsaqqallar üçün çay evi, restoran, diskoteka, konsert və əyləncəli proqramlar üçün gözəl səhnə yaradılıb. Göz oxşayan parkda 7 süni göl, fəvvarəli hovuzlar, yaraşıqlı bulaqlar vardır. Parkda 10 mindən çox gül kolu və ağac əkilib. Xüsusilə gecə vaxtları əsrarəngiz görünən park zəngin təəssürat bağışlayır. Sakinlərin istirahəti üçün hər cür şərait yaradılan bu mədəniyyət və istirahət obyekti müasir standartlara cavab verir. Gənclərin asudə vaxtının səmərəli keçməsi üçün maraqlı proqramlar təşkil olunur, kiçik yaşlı uşaqlar üçün də karusellər və yelləncəklər quraşdırılıb. Kompleksdə futbol, voleybol, basketbol meydançaları, idman salonları var. Burada gələcəkdə rayon əhəmiyyətli yarışlar keçiriləcəkdir. Prezident İlham Əliyev incəsənət ustalarının ifasını dinləyir, idman kompleksində balaca karateçilərin nümunəvi çıxışlarına, futbolçuların məşqlərinə tamaşa edir. Azərbaycan Prezidenti parkı gəzir, rayonun gənc rəssam-larının işlərinə baxır, parka gəzintiyə çıxmış sakinlərlə görüşür. Prezident İlham Əliyevə gənc rəssamların adından rəsm əsəri hədiyyə olunur. Sakinlər ali qonağı və xanımını salamlayır, istirahət üçün yaradılan şəraitə görə təşəkkür edirlər, göstərilən diqqət və qayğıdan razılıqlarını bildirirlər. Prezident İlham Əliyev onlara təşəkkür edərək deyir ki, park çox gözəldir. İstirahət üçün hər bir şərait var, çox gözəl abadlıq işləri görülmüşdür. İnsanlar buradan səmərəli istifadə edəcəklər. Sakinlər və balaca uşaqlarla xatirə şəkli çəkdirən Prezident İlham Əliyev gənclərin asudə vaxtlarının səmərəli keçməsi üçün yaradılan diskoteka ilə də tanış olur. Sonra Prezident İlham Əliyev parkda istirahət edən ağsaqqallarla söhbət edir, onlarla nərd oynayır, çay süfrəsi arxasında əyləşir. Burada “Zopzopu” özfəaliyyət folklor ansamblının nümunəvi çıxışına maraqla tamaşa edir. Ona məlumat verirlər ki, ansamblın Fransada, Rusiyada və digər ölkələrdə keçirilən folklor musiqisi festivallarında uğurlu çıxışları olub… Yenə həmin gün, martın 2-si Azərbaycan Prezidenti İlham Əliyev İlham Abdulkərimov adına Nohurqışlaq kənd orta məktəbinə də baş çəkir. Direktor Səfər Səfərov Prezident İlham Əliyevə məlumat verir ki, məktəbin əvvəlki binası 1936-cı ildə inşa olunub. Regionların sosial-iqtisadi inkişafı Dövlət Proqramı çərçivəsində yeni binanın tikintisinə 2004-cü ilin ikinci yarısında başlanıb, 2006-cı il sentyabrın 1-də istifadəyə verilib. Üçmərtəbəli, 24 sinif otağından ibarət məktəbdə tədrisi yüksək səviyyədə aparmaq üçün hərtərəfli şərait yaradılıb. Kompüterlə təchiz edilən, laboratoriyaları olan məktəbdə 500-dən çox şagird təhsil alır, 72 müəllim çalışır. Prezident İlham Əliyev ayrı-ayrı sinif otaqlarına, fənn kabinetlərinə baxır, ingilis dili dərsində iştirak edir. Məktəbin ingilis və fransız dili müəllimi Fazil Atakişiyev Prezident İlham Əliyevə müraciətlə deyir ki, cənab Prezident, şagirdlərimizin belə gözəl, müasir məktəbdə təhsil almasına görə Sizə və Azərbaycanın birinci xanımına səmimi təşəkkürümüzü bildiririk. Sizin gərgin əməyinizin, apardığınız siyasətin, regionların sosial-iqtisadi inkişafı sahəsində görülən işlərin nəticəsini bu məktəbdə hiss edirik. Çox sevindiricidir ki, bu işlər ölkəmizin bütün regionlarında görülür. O, bu məktəbdə xarici dil fənninin tədrisi sahəsində kifayət qədər uğurlar olduğunu vurğulayır. Bildirir ki, məzunların bəziləri Avropanın bir sıra qabaqcıl təhsil ocaqlarında oxuyurlar. 30-dan çox fransız dili mütəxəssisi hazırlanmışdır və onlar müxtəlif yerli və xarici təşkilatlarda işləyirlər. Ulu öndərimizin maddi köməyi sayəsində məktəbimizin yetirməsi Ağasəlim Rəsulov Fransada təhsilini başa vuraraq, dilçilik üzrə doktorluq dissertasiyası müdafiə edib. Keçən il məzunlardan biri yüksək - 659 bal toplayaraq, Dövlət İdarəçilik Akademiyasına qəbul olunub. Prezident İlham Əliyev uşaqların belə gözəl məktəbdə yaxşı təhsil almalarını, ingilis dilini mükəmməl öyrənmələrini tövsiyə edir, informasiya və kompüter sinfi ilə tanış olur. Məktəbin pedaqoji kollektivini təbrik edən Prezident İlham Əliyev deyir ki, burada uşaqların yaxşı təhsil alması üçün bütün şərait var, avadanlıq, ləvazimat və kompüter sinfi var. Əsas odur ki, uşaqlar yaxşı oxusunlar və dəyərli insanlar olsunlar. Gələcəkdə Azərbaycanın inkişafı üçün fəaliyyət göstərsinlər. Prezidentlə görüşə gələn Tüntül kənd orta məktəbinin direktoru Telman Abdulxalıqov ona müraciətlə deyir: “Möhtərəm Prezident, biz də uzun illər yaxşı məktəbin arzusunda idik. 2006-cı ildə Sizin, çox hörmətli Mehriban xanımın qayğısı nəticəsində gözəl məktəb binası tikilib, müəllimlərin, şagirdlərin istifadəsinə verilibdir. Buna görə camaatımızın adından çox-çox minnətdarlıq edirəm. Gözəl şərait, zəngin kabinetlər, yaraşıqlı sinif otaqları yaradılıbdır. Müəllim kimi üzərimizə düşən vəzifəmiz, ulu öndərimizin dediyi kimi, azərbaycanlı olmağı ilə fəxr edən vətəndaşlar yetişdirməkdir. Siz də, Mehriban xanım da dağlar qədər əzəmətli, qüdrətlisiniz. O dağlar torpağa söykənib, onlara heç kim heç nə edə bilməz. Siz isə xalqa söykənmisiniz. Ona görə Sizə heç kim heç nə edə bilməz. Azərbaycan var, Siz varsınız, Siz varsınız, Azərbaycan da var. Bizim düşüncəmiz belədir. Biz bu iqtisadi inkişafı İlham Əliyevin iqtisadi möcüzəsi kimi qəbul edirik”. Burada da dövlət başçısı gənclərin ölkənin gələcəyi olduğunu, savadlı, dərrakəli yetişmələrindən ötrü dövlət tərəfindən gənclər siyasətinin həyata keçirildiyini, bu məqsədlə onların fəaliyyəti üçün hər cür şəraitin yaradıldığını söyləyir: “Bu uşaqlar |