Dr.Musa’s Library Facebook/Psixologiya Kitabları 112
Şəkil 18. Struktur diaqramlar (E.Bernə görə)
Bu modellər insana çevik olmaq imkanı verir. İnsan bir gündə, hətta bir saat
ərzində konkret situasiyadan asılı olaraq eqo-vəziyyət modellərinin hamısından
istifadə edə bilər, başqa sözlə, bir eqo-vəziyyət modelindən başqasına keçə bilər.
E.Bern bu modellər əsasında kommunikasiyanın qaydalarını müəyyən etmişdir.
Birinci qayda belədir: nə qədər ki, transaksiya paralel olaraq qalır,
kommunikasiya uzun müddət davam edə bilər.
İkinci qaydaya görə, transaksiyalar kəsişəndə qarşılıqlı təsir kəsilir, bu zaman
kommunikasiyanı bərpa etmək üçün partnyorlardan biri və ya hər ikisi zəruri surətdə
özünün eqo vəziyyətini dəyişdirməlidir.
Üçüncü qaydaya görə, transaksiya gizli xarakter kəsb edəndə, onun davranış
nəticələri sosial səviyyədə deyil, psixoloji səviyyədə müəyyənləşir.
