Sosial Psixologiya - Mühazirələr (az) 100521161548 051021211057-1
3. Əlamətlər nəzəriyyəsi - (“Xarizmatik” nəzəriyyə də adlanır. Xarizma - vergi verilmək
deməkdir). Bu nəzəriyyəyə görə ancaq anadangəlmə xüsusi keyfiyyətlərə malik olan şəxslər
lider ola bilərlər. Müxtəlif müəlliflər bu əlamətləri öyrənməyə, ümumiləşdirməyə səy
göstərmişlər. Çoxsaylı cəhdlərə baxamayaraq bu əlamətlərin bitmiş sistemini yaratmaq
mümkün olmamışdır. 1940-cı ildə R.Berd müxtəlif tədqiqatlarda adı çəkilən 79 əlamətin
olduğunu müəyyən etdi. Bu əlamətlər sırasına təşəbbüskarlıq, ünsiyyət bacarığı, yumor hissi,
ruh yüksəkliyi, inam, yoldaşlıq, ayıqlıq, populyarlıq, iti və çevik zəka, öz işini bilmək, güclü
iradə, insanların psixoloji vəziyyətini qiymətləndirmək, təşkilatçılıq və s.
Əlamətlər nəzəriyyəsi cəlbedici olsa da, bütövlükdə bu nəzəriyyə özünü doğrultmadı və
idarəetmə praktikasında özünün tam təsdiqini tapmadı. Həyat faktlarıı v əreal təcrübə göstərir
ki, qeyd olunan keyfiyyətləri olmayan insanlar da lider ola bilirlər. Digər tərəfdən isə bütün bu
keyfiyyətlərə malik olan insanlar heç dəhamısı lider olmurlar. Bütün bunları nəzərə alaraq
mütəzəssislər liderlik hadisəsini izah etmək üçün daha çox mövcud şəraiti, situasiyanı nəzərə
almağın vacibliyi fikrini irəli sürdülər. Beləliklə, əlamətlər nəzəriyyəsinin yerinə, liderliyin
situasiya nəzəriyyəsi meydana gəldi.
