Sosial Psixologiya - Mühazirələr (az) 100521161548 051021211057-1
5. Liderliyin sintetik nəzəriyyəsi. Bu nəzəriyyəyə görə liderlik qrupda şəxsiyyətlərarası
münasibətlərin qurulması prosesidir, lider isə bu münasibətləri, prosesləri idarə edən
subyektdir. Belə yanaşmada liderlik qrupun funksiyası kimi izah olunur. Ona görə də liderlik
hadisəsi qrupun məqsədi, vəzifələri baxımından araşdırılmalı, eyni zamanda liderin şəxsiyyəti
və onun psixoloji strukturu, qrupun mövcudluq müddəti və s. nəzərə alınmalıdır.
Bu yanaşmada liderlik təkcə yaranmış situasiyanın, qrup proseslərinin nəticəsi deyil, həm
də qrup fəaliyyətinin vəzifələri və bu vəzifələri həyata keçirmək üçün lazım olan
qabiliyyətlərin nümayiş etdirilməsidir. Lideri başqalarından fərqləndirən əsas cəhət, onda ayrı-
ayrı keyfiyyətlərin olması deyil, onun insanlara təsirinin səviyyəsi və gücü ilə müəyyən olunur.
