Yangi materialni ko‘rib chiqishga tayyorgarlik ko‘rish uchun 224- mashqni og‘zaki bajarish lozim.
Keyin o‘quvchilar 225-mashq misollarini yechishni mustaqil tushuntirib berishlari kerak.
Hisoblashlarning yangi usullari murakkabroq sharoitlarda o‘quvchilardan atamashunoslikka oid bilimlarni talab etuvchi topshiriqlar majmuyini bajarishda o‘zlashtiriladi (226- mashq).
Tenglamalar yechish malakasini puxta o‘zlashtirish uchun 6+ =13, — 8=7, 3- =12 ko‘rinishidagi bir nechta misollarni og‘zaki yechish kerak. ,,Topish talab etilgan noma'lum sonni harf bilan belgilash qabul qilingan; ko‘pincha bu noma'lum son x (iks) harfi bilan belgilanadi", deb tushuntiriladi. So‘ngra darslik bo‘yicha ish olib boriladi va o‘quvchilarga tenglamani qanday to‘g‘ri o‘qish ko‘rsatiladi. Masalan: 3+x=9 ni shunday o‘qish mumkin: ,,uchga noma'lum son qo‘shildi va 9 hosil bo‘ldi". 9 ni hosil qilish uchun uchga qanday sonni qo‘shish kerak? Yoki: birinchi qo‘shiluvchi 3, ikkinchisi — noma'lum, yig‘indi 9 ga teng (228- mashq).
