Mirzacho‘l iqtisodiy rayoni

Shahar va tumanlar nomi	Sanoat mahsuloti	XIM	Qishloq xo‘jalik mahsuloti	Kapital qo‘yil malar	Pudrat ishlari	Chakana savdo
Pullik xizmat
Viloyat bo‘yicha	1,000	1,000	1,000	1,000	1,000	1,000	1,000
Guliston sh.	1,271	2,049	1,450	1,392	2,258	3,281	5,161
Shirin sh.	0,301	0,531	0,531	3,153	1,349	0,991	0,763
Yangiyer sh.	0,854	1,138	0,738	2,219	1,518	2,128	1,197
tumanlar:
Boyovut	0,652	0,385	0,885	0,325	0,767	0,399	0,318
Guliston	1,143	0,510	1,184	0,602	0,969	0,516	0,410
Mirzaobod	0,198	0,436	0,960	0,373	1,112	0,779	0,407
Oqoltin	1,488	0,625	1,061	0,435	0,380	0,490	0,368
Sayxunobod	1,533	1,038	1,239	0,566	0,655	0,324	0,365
Sardoba	0,915	0,447	1,847	2,054	0,585	0,456	0,344
Sirdaryo	1,668	2,163	0,761	1,524	1,144	1,387	0,792
Xovos	0,308	0,634	0,716	0,616	0,528	0,412	0,418

Jadval O‘zbekiston Respublikasi Davlat statistika qo‘mitasi maʼ-lumotlari asosida hisoblab chiqilgan.


Mintaqa ijtimoiy-iqtisodiy salohiyatini yuksaltirishda avvalambor Boyovut, Guliston, Mirzaobod tumanlariga ustuvor ahamiyat berish talab etiladi. Shuningdek, viloyat markazi ham o‘zining huquqiy mavqeiga teng bo‘lgan shaharlardan ancha orqada. Binobarin, Guliston shahrining ijtimoiy-iqtisodiy rivojlanishiga, uning demografik salohiyatini ko‘tarishga ham eʼtibor berish maqsadga muvofiq. Hozirgi vaqtda bu shahar viloyat jami aholisining 10 foizdan ortiqrog‘ini mujassamlaydi. Bu, boshqa viloyat markazlariga qaraganda, ancha past ko‘rsatkich (demak, iqtisodiy jihatdan viloyat ham “bo‘shroq”, uning bosh shahri ham zaif). Qolaversa, kengroq miqyosda Toshkent shahri iqtisodiy rivojlanishini boshqarish va tartibga solish, uni birmuncha cheklashda ham Guliston o‘ziga xos “kontramagnit” vazifasini bajarishi mumkin.
Sirdaryo viloyati va, umuman, Mirzacho‘l iqtisodiy makoni O‘zbekiston geoiqtisodiy muhitida Toshkent va Zarafshon mintaqalari o‘rtasida o‘ziga xos, iqtisodiy geografik sust rivojlangan hudud ko‘rinishiga ega. Shu bois, bu bo‘shliqni to‘ldirish yoki oraliqni mustahkamlash respublika iqtisodiy makonining rivojlanishi va takomillashtirilishiga yordam beradi. So‘nggi yillarda Sirdaryo tumani salohiyatining oshib borishi ham mazkur masalaning yechimini biroz yengillashtiradi.
Hozirgi vaqtda bu yerda Xitoy Xalq Respublikasi bilan birgalikda “PENG SHENG” QK barpo qilinmoqda (Toshkent shahridan 70 km masofada). Ushbu industrial park tashkil etilishi 2009 yilda boshlangan bo‘lib, uning hozirgi maydoni 80,0 ming kv. m-ga teng. 2013 yilda Prezident farmoni asosida "Jizzax" maxsus industrial zonasining shakllantirish munosabati bilan Sirdaryo industrial parki uning filialiga aylantirildi. Majmua keramik plitalar, natural teri va undan poyafzallar ishlab chiqarishga ixtisoslashgan. U to‘la loyiha quvvatiga ega bo‘lgach yiliga 100 mln AQSH dollari miqdorida turli xil mahsulot ishlab chiqaradi, uning deyarli yarmi eksport qilinadi.

1^ Фермер хўжаликларини оптималлаштириш натижасида уларнинг сони камайиб борган. Жумладан, 2009 йилда уларнинг сони 4250 та, бириктирилган ерлар 275 минг га бўлган.