Moliya / Banklar va boshqa kredit muassasalari. Kreditlar

Oldingi tahrirga qarang.
22312 REPO bitimlari bo‘yicha chet el investitsiyalari ishtirokidagi korxonalarga sotilgan qimmatli qog‘ozlar
(22312-pozitsiyasi O‘zbekiston Respublikasi Markaziy banki Boshqaruvining 2023-yil 7-martdagi 4/6-sonli qarori (ro‘yxat raqami 3336-1, 20.04.2023-y.) tahririda — Qonunchilik ma’lumotlari milliy bazasi, 25.04.2023-y., 10/23/3336-1/0225-son)
22314 REPO bitimlari bo‘yicha davlat korxonalari, tashkilotlari va muassasalariga sotilgan qimmatli qog‘ozlar
22316 REPO bitimlari bo‘yicha xususiy korxonalar, xo‘jalik shirkatlari va jamiyatlarga sotilgan qimmatli qog‘ozlar
22396 REPO bitimlari bo‘yicha boshqa kreditorlarga sotilgan qimmatli qog‘ozlar
Yuqorida ko‘rsatilgan balans hisobvaraqlari o‘z xususiyatlari bo‘yicha bir xil bo‘lganligi uchun ularning ta’rifi umumlashtirib berilmoqda.
Hisobvaraqning ta’rifi: REPO bitimlari (qimmatli qog‘ozlarni qaytadan sotib olish sharti bilan tuzilgan oldi-sotdi bitimlari to‘g‘risidagi kelishuv) bo‘yicha sotilgan qimmatli qog‘ozlarning hisobi olib boriladi.
Hisobvaraqning kreditida qimmatli qog‘ozlarni qaytadan sotib olish sharti bilan tuzilgan oldi-sotdi bitimlari to‘g‘risidagi kelishuvning birinchi qismi bo‘yicha sotilgan qimmatli qog‘ozlarning qiymati, shuningdek kelishuvning ikkinchi qismi bo‘yicha qimmatli qog‘ozlarni qaytadan sotish narxi bilan kelishuvning birinchi qismi bo‘yicha qimmatli qog‘ozlarni sotib olish o‘rtasidagi farqning amortizatsiya summasi aks ettiriladi.
Hisobvaraqning debetida qimmatli qog‘ozlarni qaytadan sotib olish sharti bilan tuzilgan oldi-sotdi bitimlari to‘g‘risidagi kelishuvning ikkinchi qismi bo‘yicha qaytadan sotib olingan qimmatli qog‘ozlarning qiymati, shuningdek qimmatli qog‘ozlarni qaytadan sotib olish sharti bilan tuzilgan oldi-sotdi bitimlari to‘g‘risidagi kelishuvning ikkinchi qismi bajarilmaganda, bank portfelidan sotilgan qimmatli qog‘ozlarning qiymati aks ettiriladi.
Tahliliy hisob har bir REPO kelishuvi bo‘yicha, shuningdek qimmatli qog‘ozlarning turi va muddatlari bo‘yicha alohida shaxsiy hisobvaraqlarda olib boriladi.
22400 To‘lanishi lozim bo‘lgan hisoblangan foizlar
22402 Talab qilib olinguncha saqlanadigan depozitlar bo‘yicha to‘lanishi lozim bo‘lgan hisoblangan foizlar
Hisobvaraqning ta’rifi: talab qilib olinguncha saqlanadigan depozitlar bo‘yicha hisoblangan, lekin hali to‘lanmagan foizlar hisobi olib boriladi.
Hisobvaraqning kreditida to‘lash uchun hisoblangan foizlar summasi aks ettiriladi.
Hisobvaraqning debetida to‘langan foizlar summasi, shuningdek 22476 hisobvarag‘iga o‘tkazilgan va noto‘g‘ri hisoblangan foizlarning qaytarilgan summasi hisobdan chiqariladi.
Tahliliy hisob har bir mijoz bo‘yicha alohida shaxsiy hisobvaraqlarda olib boriladi.
22403 Jamg‘arma depozitlar bo‘yicha to‘lanishi lozim bo‘lgan hisoblangan foizlar
Hisobvaraqning ta’rifi: jamg‘arma depozit majburiyatlari bo‘yicha hisoblangan, lekin hali to‘lanmagan foizlar hisobi olib boriladi.
Hisobvaraqning kreditida to‘lash uchun hisoblangan foizlar summasi aks ettiriladi.
Hisobvaraqning debetida to‘langan foizlar summasi, shuningdek 22476 hisobvarag‘iga o‘tkazilgan va noto‘g‘ri hisoblangan foizlarning qaytarilgan summasi hisobdan chiqariladi.
Tahliliy hisob har bir mijoz bo‘yicha alohida shaxsiy hisobvaraqlarda olib boriladi.
22405 Muddatli depozitlar bo‘yicha to‘lanishi lozim bo‘lgan hisoblangan foizlar
Hisobvaraqning ta’rifi: muddatli depozit majburiyatlari bo‘yicha hisoblangan, lekin hali to‘lanmagan foizlar hisobi olib boriladi.
Hisobvaraqning kreditida to‘lash uchun hisoblangan foizlar summasi aks ettiriladi.
Hisobvaraqning debetida to‘langan foizlar summasi, shuningdek 22476 hisobvarag‘iga o‘tkazilgan va noto‘g‘ri hisoblangan foizlarning qaytarilgan summasi hisobdan chiqariladi.
Tahliliy hisob har bir mijoz bo‘yicha alohida shaxsiy hisobvaraqlarda olib boriladi.
22406 Markaziy bankka to‘lanishi lozim bo‘lgan hisoblangan foizlar
Hisobvaraqning ta’rifi: Markaziy bank hisobvaraqlari (Vostro vakillik hisobvarag‘iga, depozit va boshqa hisobvaraqlarga to‘lanishi lozim bo‘lgan) bo‘yicha hisoblangan, lekin hali to‘lanmagan foizlar hisobi olib boriladi.
Hisobvaraqning kreditida hisoblangan foizlar summasi aks ettiriladi.
Hisobvaraqning debetida to‘langan foizlar summasi, shuningdek noto‘g‘ri hisoblangan foizlarning qaytarilgan summasi hisobdan chiqariladi.
Tahliliy hisob bitta shaxsiy hisobvaraqda olib boriladi.
22407 Boshqa banklarga to‘lanishi lozim bo‘lgan hisoblangan foizlar
Hisobvaraqning ta’rifi: Boshqa banklarning hisobvaraqlari (Vostro — vakillik hisobvarag‘iga, depozit va boshqa hisobvaraqlarga to‘lanishi lozim bo‘lgan) bo‘yicha hisoblangan, lekin hali to‘lanmagan foizlar hisobi olib boriladi.
Hisobvaraqning kreditida to‘lash uchun hisoblangan foizlar summasi aks ettiriladi.
Hisobvaraqning debetida to‘langan foizlar summasi, shuningdek 22476 hisobvarag‘iga o‘tkazilgan va noto‘g‘ri hisoblangan foizlarning qaytarilgan summasi hisobdan chiqariladi.
Tahliliy hisob har bir bank bo‘yicha alohida shaxsiy hisobvaraqlarda olib boriladi.
22408 To‘lanishi lozim bo‘lgan hisoblangan foizlar — Lizing (moliyaviy ijara)
Hisobvaraqning ta’rifi: lizing bo‘yicha to‘lanishi lozim bo‘lgan hisoblangan foizlar hisobi olib boriladi.
Hisobvaraqning kreditida lizing to‘lovlari jadvaliga muvofiq to‘lanishi lozim bo‘lgan hisoblangan foizlar summasi aks ettiriladi.
Hisobvaraqning debetida to‘langan, shuningdek 22476 hisobvarag‘iga o‘tkazilgan foizlar summasi aks ettiriladi.
Tahliliy hisob har bir mijoz bo‘yicha shartnomalarga qarab alohida shaxsiy hisobvaraqlarda olib boriladi.
22409 Bosh bank/filialdan olingan resurslar bo‘yicha to‘lanishi lozim bo‘lgan hisoblangan foizlar
Hisobvaraqning ta’rifi: Bosh bank/filialdan olingan resurslar bo‘yicha hisoblangan, lekin hali to‘lanmagan foizlarning hisobi olib boriladi (vakillik hisobvaraqlari — Vostro, depozit hisobvaraqlari va boshqalarga to‘lanishi lozim bo‘lgan).
Hisobvaraqning kreditida to‘lash uchun hisoblangan foizlar summasi aks ettiriladi.
Hisobvaraqning debetida to‘langan, shuningdek 22476 hisobvarag‘iga o‘tkazilgan foizlar va noto‘g‘ri hisoblangan foizlarning qaytarilish summasi hisobdan chiqariladi.
Tahliliy hisob Bosh bank/har bir filial bo‘yicha alohida shaxsiy hisobvaraqlarda olib boriladi.
22410 Olingan kreditlar bo‘yicha to‘lanishi lozim bo‘lgan hisoblangan foizlar
Hisobvaraqning ta’rifi: bankning kredit majburiyatlari (mohiyati bo‘yicha kreditlar bo‘lgan boshqa operatsiyalar) bo‘yicha hisoblangan, lekin hali to‘lanmagan foizlar hisobi olib boriladi.
Hisobvaraqning kreditida to‘lash uchun hisoblangan foizlar summasi aks ettiriladi.
Hisobvaraqning debetida to‘langan foizlar summasi, shuningdek 22476 hisobvarag‘iga o‘tkazilgan va noto‘g‘ri hisoblangan foizlarning qaytarilgan summasi hisobdan chiqariladi.
Tahliliy hisob har bir qarz beruvchi bo‘yicha kredit shartnomalariga qarab alohida shaxsiy hisobvaraqlarda olib boriladi.
22412 Boshqa majburiyatlar bo‘yicha to‘lanishi lozim bo‘lgan hisoblangan foizlar
Hisobvaraqning ta’rifi: bankning yuqorida ko‘rsatilgan turkum ta’riflarga mos tushmaydigan majburiyatlari bo‘yicha hisoblangan, lekin hali to‘lanmagan foizlar hisobi olib boriladi.
Hisobvaraqning kreditida to‘lash uchun hisoblangan foizlar summasi aks ettiriladi.
Hisobvaraqning debetida to‘langan foizlar summasi, shuningdek 22476 hisobvarag‘iga o‘tkazilgan va noto‘g‘ri hisoblangan foizlarning qaytarilish summasi hisobdan chiqariladi.
Tahliliy hisob majburiyatlar turi bo‘yicha alohida shaxsiy hisobvaraqlarda olib boriladi.
22414 Chiqarilgan qimmatli qog‘ozlar bo‘yicha to‘lanishi lozim bo‘lgan hisoblangan foizlar
Hisobvaraqning ta’rifi: bankning chiqarilgan qimmatli qog‘ozlari bo‘yicha hisoblangan, lekin hali to‘lanmagan foizlar hisobi olib boriladi.
Hisobvaraqning kreditida to‘lash uchun hisoblangan foizlar, shuningdek sotish qiymatiga kiritilgan foizlar summasi aks ettiriladi.
Hisobvaraqning debetida to‘langan foizlar summasi, shuningdek 22476 hisobvarag‘iga o‘tkazilgan va noto‘g‘ri hisoblangan foizlarning qaytarilgan summasi hisobdan chiqariladi.
Tahliliy hisob qimmatli qog‘ozlarning turi, muddati va chiqarilishi bo‘yicha alohida shaxsiy hisobvaraqlarda olib boriladi.
22476 Shartnomaga ko‘ra to‘lash uchun hisoblab yozilgan, biroq muddatida to‘lanmagan foizlar
Hisobvaraqning ta’rifi: shartnoma bo‘yicha to‘lash uchun hisoblangan, lekin muddatida to‘lanmagan foizlar hisobi olib boriladi.
Hisobvaraqning kreditida shartnoma bo‘yicha to‘lash uchun hisoblangan, lekin muddatida to‘lanmagan foizlar summasi aks ettiriladi.
Hisobvaraqning debetida to‘langan foizlar summasi, shuningdek noto‘g‘ri hisoblangan foizlarning qaytarilgan summasi hisobdan chiqariladi.
Tahliliy hisob shartnoma bo‘yicha to‘lash uchun hisoblangan, lekin muddatida to‘lanmagan foizlar bo‘yicha alohida shaxsiy hisobvaraqlarda olib boriladi.
22500 Hisoblangan soliqlar
22502 Hisoblangan daromad (foyda) soliqlari
Hisobvaraqning ta’rifi: joriy davrda hisoblangan, lekin hali to‘lanmagan daromad (foyda) soliqlari (daromad (foyda) va qonunchilikka muvofiq ravishda boshqa shu kabi soliqlar)ning hisobi olib boriladi.
Hisobvaraqning kreditida hisoblangan joriy daromad (foyda) soliqlari summasi aks ettiriladi.
Hisobvaraqning debetida to‘langan daromad (foyda) soliqlari summasi, shuningdek noto‘g‘ri hisoblangan daromad (foyda) soliqlari summasi hisobdan chiqariladi.
Tahliliy hisob soliqlar turi bo‘yicha alohida shaxsiy hisobvaraqlarda olib boriladi.
22504 Hisoblangan boshqa soliqlar
Hisobvaraqning ta’rifi: hisoblangan, lekin hali to‘lanmagan soliq (daromad (foyda) solig‘idan tashqari)lar hisobi olib boriladi.
Hisobvaraqning kreditida hisoblangan soliqlar summasi aks ettiriladi.
Hisobvaraqning debetida to‘langan soliqlarning hisobdan chiqarilgan summasi, shuningdek qaytarilgan noto‘g‘ri hisoblangan summalar hisobdan chiqariladi.
Tahliliy hisob soliqlar turi bo‘yicha alohida shaxsiy hisobvaraqlarda olib boriladi.
22506 To‘lash uchun ushlab qolingan soliqlar
Hisobvaraqning ta’rifi: qonunchilikka muvofiq bankning xodimlaridan ushlab qolgan va budjet daromadiga o‘tkaziladigan soliqlar hisobi olib boriladi.
Hisobvaraqning kreditida ushlab qolinadigan soliqlar summasi aks ettiriladi.
Hisobvaraqning debetida budjetga o‘tkazilgan soliqlar summasi hisobdan chiqariladi.
Tahliliy hisob har bir soliq turi bo‘yicha alohida shaxsiy hisobvaraqlarda olib boriladi.
22508 Muddati uzaytirilgan soliqlar
Hisobvaraqning ta’rifi: muddati uzaytirilgan daromad soliqlar hisobga olinadi. Muddati uzaytirilgan daromad solig‘i bu, joriy davr soliqqa tortiladigan daromad(foyda)dan chegirib tashlanadigan, lekin kelgusi davrning soliqqa tortiladigan daromadi(foydasi)ga kiritiladigan vaqtinchalik farqlarni qo‘shgan holda kelgusi davrda to‘lanadigan daromad(foyda) solig‘idir. Bu buxgalteriya foydasi bilan soliqqa tortiladigan foyda o‘rtasidagi farqdir.
Hisobvaraqning kreditida hisoblangan muddati uzaytirilgan daromad soliqlari summasi aks ettiriladi.
Hisobvaraqning debetida muddati uzaytirilgan daromad soliqlarining kamaygan summasi aks ettiriladi.
Tahliliy hisob alohida shaxsiy hisobvaraqlarda olib boriladi.
22510 Pensiya jamg‘armasi bilan hisob-kitoblar
Hisobvaraqning ta’rifi: qonunchilikka muvofiq ijtimoiy soliqqa o‘tkaziladigan bank tomonidan ushlab qolingan mablag‘lar hisobi olib boriladi.
Hisobvaraqning kreditida ijtimoiy soliqqa o‘tkaziladigan bank tomonidan ushlab qolingan mablag‘lar summasi aks ettiriladi.
Hisobvaraqning debetida ijtimoiy soliq o‘tkazilgan mablag‘lar summasi aks ettiriladi.
Tahliliy hisob to‘lovlar turi bo‘yicha alohida shaxsiy hisobvaraqlarda olib boriladi.
22512 Bandlikka ko‘maklashish davlat jamg‘armasi va boshqa jamg‘armalar bilan hisob-kitoblar
Hisobvaraqning ta’rifi: Bandlikka ko‘maklashish davlat jamg‘armasiga, Kasaba uyushmalari Federatsiyasi Kengashining ijtimoiy sug‘urta budjetiga va qonunchilik hujjatlariga muvofiq boshqa jamg‘armalarga o‘tkaziladigan bank tomonidan ushlab qolingan mablag‘lar hisobi olib boriladi.
Hisobvaraqning kreditida Bandlikka ko‘maklashish davlat jamg‘armasiga va boshqa jamg‘armalarga o‘tkaziladigan bank tomonidan ushlab qolingan mablag‘lar summalari aks ettiriladi.
Hisobvaraqning debetida Bandlikka ko‘maklashish davlat jamg‘armasiga va boshqa jamg‘armalarga o‘tkazilgan mablag‘lar summalari aks ettiriladi.
Tahliliy hisob har bir jamg‘arma va to‘lov turlari bo‘yicha alohida shaxsiy hisobvaraqlarda olib boriladi.
22600 Mijozlarning boshqa depozitlari
22602 Mijozlarning akkreditivlari bo‘yicha depozitlari
Hisobvaraqning ta’rifi: xaridorlarning topshirig‘iga ko‘ra tovar yetkazib beruvchilar bilan hisob-kitoblar qilish uchun ochilgan qoplangan akkreditivlarning hisobi olib boriladi.
Hisobvaraqning kreditida ochilgan (kelgan) akkreditivlarning summasi aks ettiriladi.
Hisobvaraqning debetida akkreditiv hisobidan to‘langan summalar, shuningdek foydalanmaganligi natijasida qaytarilgan, kamaytirilgan yoki bekor qilingan akreditiv summalari hisobdan chiqariladi.
Tahliliy hisob har bir akkreditiv bo‘yicha alohida shaxsiy hisobvaraqlarda olib boriladi.
22604 Mijozlarning boshqa depozitlari — Jamg‘arma — Maqsadli
Hisobvaraqning ta’rifi: mijozlarning tovar-moddiy qimmatliklar va ko‘rsatilgan xizmatlarga to‘lovlar uchun, shuningdek O‘zbekiston Respublikasi qonunchiligi bo‘yicha tasdiqlangan tartib bo‘yicha taqsimlanadigan maqsadli mablag‘lari hisobi olib boriladi.
Hisobvaraqning kreditida kelib tushgan, tasdiqlangan tartib bo‘yicha taqsimlanadigan maqsadli mablag‘lar summasi aks ettiriladi.
Hisobvaraqning debetida tasdiqlangan tartib bo‘yicha maqsadli mablag‘larning hisobdan chiqarilgan summalari aks ettiriladi.
Tahliliy hisob har bir mijoz bo‘yicha alohida shaxsiy hisobvaraqlarda olib boriladi.
22606 Mijozlarning import bilan bog‘liq tratta va/yoki trast hujjatlari bilan kafolatlangan akkreditivlar bo‘yicha depozitlari
Hisobvaraqning ta’rifi: pul to‘lovchilarning topshirig‘i bo‘yicha tovar yetkazib beruvchilar bilan hisob-kitoblar qilish uchun va import bilan bog‘liq tasdiqlangan veksellar va/yoki trast hujjatlari bilan ochilgan akkreditivlar hisobi olib boriladi.
Hisobvaraqning kreditida ochilgan akkreditivlar summasi aks ettiriladi.
Hisobvaraqning debetida akkreditiv hisobidan to‘langan summalar, shuningdek foydalanmaganligi natijasida qaytarilgan, kamaytirilgan yoki bekor qilingan akkreditiv summalari hisobdan chiqariladi.
Tahliliy hisob har bir akkreditiv bo‘yicha alohida shaxsiy hisobvaraqlarda olib boriladi.
22608 Mijozlarning qimmatli qog‘ozlar bilan bo‘ladigan operatsiyalar bo‘yicha mablag‘lari
Hisobvaraqning ta’rifi: brokerlik, anderrayting operatsiyalari bo‘yicha mijozlar va uchinchi shaxslar bilan bo‘ladigan hisob-kitoblar, shuningdek emitentlarning topshirig‘i bo‘yicha qimmatli qog‘ozlarni so‘ndirish bilan bog‘liq operatsiyalar bo‘yicha mijozlarning mablag‘lari hisobi olib boriladi.
Hisobvaraqning kreditida shartnoma bo‘yicha bank tomonidan uchinchi shaxslardan qimmatli qog‘ozlar sotib olish, kelgusida vositachilik mukofotlari to‘lash uchun mijozlardan kelib tushadigan, shuningdek shartnoma asosida qimmatli qog‘ozlar sotuvidan kelib tushadigan mablag‘lar summasi aks ettiriladi. Bundan tashqari emitentlarning topshirig‘i bo‘yicha qimmatli qog‘ozlarni so‘ndirish uchun emitentlardan kelib tushuvchi mablag‘lar summasi aks ettiriladi.
Hisobvaraqning debetida shartnoma asosida mijozlar uchun qimmatli qog‘ozlarni sotib olishga o‘tkazilgan, bajarilmagan shartnoma bo‘yicha mijozlarga qaytarilgan, bajarilgan shartnoma bo‘yicha vositachilik mukofoti sifatida mijozlardan hisobdan chiqarilgan mablag‘lar summasi, shuningdek qimmatli qog‘ozlarni so‘ndirishda egalariga o‘tkazilgan mablag‘lar summasi aks ettiriladi.
Tahliliy hisob har bir shartnoma bo‘yicha alohida shaxsiy hisobvaraqlarda olib boriladi.
22612 “O‘zbekiston pochtasi” AJ tarkibiy bo‘linmalari tomonidan amalga oshiriladigan pul o‘tkazmalari va davriy nashrlarga obuna
Hisobvaraqning ta’rifi: “O‘zbekiston pochtasi” AJ va uning tarkibiy bo‘linmalari tomonidan amalga oshiriladigan pul o‘tkazmalari va davriy nashrlarga obuna hisobi olib boriladi.
Hisobvaraqning kreditida o‘tkazma operatsiyalar va davriy nashrlarga obuna bo‘yicha “O‘zbekiston pochtasi” AJ tarkibiy bo‘linmalariga kelib tushgan naqd pul va naqd pulsiz mablag‘lar aks ettiriladi.
Hisobvaraqning debetida belgilangan maqsad bo‘yicha o‘tkazilgan mablag‘lar, shuningdek “O‘zbekiston pochtasi” AJ tarkibiy bo‘linmalariga madad puli sifatida berilgan naqd pul mablag‘lari aks ettiriladi.
Tahliliy hisob operatsiya turi va “O‘zbekiston pochtasi” AJning har bir tarkibiy bo‘linmasi bo‘yicha alohida shaxsiy hisobvaraqlarda olib boriladi.