Mövzu № Mülki müdafiənin yaranma tarixi, rolu və vəzifələri Plan

Mövzu  № 7. Müasir ( kütləvi ) qırğın  silahları. Nüvə  silahı  və  onun  
zədələyici  amilləri 
Plan: 
1.  Kütləvi  qırğın  silahları  haqqında  anlayış 
2.  Nüvə  silahı 
3.  Nüvə  silahının  zədələyici  amilləri  
4.  Radiasiya  kəşfiyyatı  və  nəzarət-ölçü  cihazlarının  iş  prinsipi  və  istifadə  
qaydaları 
 
 
Müasir  dövrdə  sosial-siyasi  xarakterli  fövqəladə  hallar  sırasından,  xüsusən  də 
müharibə  mənşəli  fövqəladə  hadisələr  cəmiyyəti  daha  çox  narahat  edir.  Nəzərə 
alsaq  ki,  İkinci  Dünya  Müharibəsinin  bəşəriyyətə  vurduğu  ziyanın  nəticələrini  bu 
gün də aradan qaldırmaq mümkün olmamışdır, onda dünyanı dağıdacaq gücə malik 
olan mövcud atom silahının, kimyəvi və bakterioloji silahın işlədilməsi ilə baş verə 
biləcək üçüncü dünya müharibəsinin nəticələrini təsəvvür etmək çətin deyildir. 
Düşmən  tərəfindən  tətbiq  edilən  kütləvi  qırğın  vasitələrindən  obyektlərin 
müdafiəsi və nəticələrin aradan qaldırılması üzrə tədbirləri təşkil etmək və həyata 
keçirmək  üçün  nüvə,  kimyəvi,  bakterioloji (bioloji)  silahların  və  digər  vasitələrin 
təsir prinsipini bilmək lazımdır. 

---

 
Artilleriya vasitəsi ilə nüvə silahının tətbiqi 
 
Düşmənin tətbiq etdiyi kütləvi qırğın vasitələrinin növündən asılı olaraq nüvə, 
kimyəvi,  bakterioloji  (bioloji)  zərbə  ocağı  və  radioaktiv,  kimyəvi,  bakterioloji 
(bioloji)  yoluxma zonası yarana bilər. Adi qırğın vasitələri tətbiq olunması zamanı 
belə  zərbə  ocağı  əmələ  gələ  bilər.  İki  və  daha  çox  kütləvi  qırğın  vasitələrinin 
tətbiqi zamanı ikili kombinə edilmiş zərbə ocağı yaranır.