Mövzu 1: Büdcənin sosial- iqtisadi mahiyyəti və funksiyaları

KitabYurdu.az 
132

---

3 
Ümumdövlət xidmətləri xərclərinə həmçinin beynəlxalq təşkilatlara üzvülük 
haqları, xarici dövlətlərə iqtisadi yardım xərcləri, elm xərcləri, başqa 
kateqoriyalara aid edilməyən ümumi dövlət xidməti xərcləri daxildir. 
Azərbaycan Respublikasının Konstitusiyasına uyğun olaraq məhkəmə 
hakimiyyətini ədalət məhkəməsi yolu ilə yalnız məhkəmələr həyata keçirirlər. 
Məhkəmə 
hakimiyyətinin 
Azərbaycan 
Respublikasının 
Konstitusiya 
Məhkəməsi, Azərbaycan Respublikasının Ali Məhkəməsi, Azərbaycan 
Respublikasının İqtisad Məhkəməsi, Azərbaycan Respublikasının Ümumi 
Məhkəmələri və digər ixtisaslaşdırılmış məhkəmələr həyata keçirirlər. 
Azərbaycan Respublikası Prokurorluğu ərazi və ixtisaslaşdırılmış prokurorların
Azərbaycan Respublikası Baş Prokuroruna tabeliyinə əsaslanan vahid 
mərkəzləşdirilmiş orqandır. Hüquq mühafizə , təhlükəsizlik orqanlarının və 
prokurorluğun məhkəmə hakimiyyəti orqanlarının xərclərinə onların saxlanamsı 
xərcləri daxildir. 
Idarəetmə aparatının saxlanması xərclərinin tərkibinə əmək haqqı, əmək 
haqqına üstəlik, təsərrüfat, ezamiyyət və digər xərclər daxildir. 
Illik əmək haqqı fondu əmək haqqının orta aylıq məbləğini işçilərin orta illik 
sayına və 12 aya vurmaqla hesablanır. 
Əmək haqqının orta dərəcəsi ştat cədvəli ilə təsdiq olunmuş vəzifə maaşları 
üzrə aylıq əmək haqqı fondunu ştat vahidinə bölməklə hesablanır. 
Malların alınması və xidmətlərin haqqının ödənilməsi xərclərinə dəftərxana 
ləvazimatı, cari təsərrüfat məqsədləri üçün mal və materialların alınması , 
kommunal, rabitə,enerji və başqa kommunal xidmətləri haqqının ödənilməsi 
daxildir. 
Işçilərin ezamiyyət və xidməti səfər xərclərinə, gediş haqqı, əmək haqqına 
müxtəlif əlavələr, ezamiyyə hesabına ödənişlər( kirayə haqqı, gündəlik yemək 
xərci) və başqa ödənişlər daxildir. 
Nəqliyyat xidməti xərclərinə nəqliyyatın saxlanması, onun cari təmiri, şəxsi 
minik avtomobillərindən istifadəyə görə kompensasiya ödənişləri daxildir. 
Rabitə xidməti xərclərinə beynəlxalq və digər telefon danışıqları , telefakslar, 
poçt xidməti, internet xidməti və digər xidmət ödənişləri daxildir. 
Kommunal xidmətləri xərclərinə binanın icarəsi, istilik, enerji , su təchizatı və 
digər xidməti ödənişləri daxildir.
Digər cari xərclərdə avadanlıq və inventarın cari təmiri, işçilərin ixtisaslarının 
artırılması və digər xərclər nəzərdə tutulur.