|
Dinin sosiologiyası və dini tərbiyə məsələləri. Dünyanın hər yerində, istər qeyri-sivil,istərsə də sivil ölkələrdə əhalinin dinə münasibəti köklü surətdə dəyişib.Dinin sosiologiyası sahəsində aparılan tədqiqatlar bunu aydın şəkildə göstərir. Bu şəraitdə dini təhsil və tərbiyə məsələlərinə münasibət necə olmalıdır?
Azərbaycan dünyəvi respublikadır.Respublika məktəblərində təhsil dünyəvi xarakter daşıyır. Yalnız ümumi orta təhsil almış şəxslər ücün,qanunvericiliklə müəyyənləşdirilmiş qaydada,dini təhsil müəssələri fəaliyyət göstərə bilər. Azərbaycan Respublikasının xalqın milli xüsusiyyətlərini və dəyərini özündə əks etdirən,dünyəviliyə əsaslanan təhsil sistemi vardır.Bu dəyərlər içərisində islam dəyərləri də özünəməxsus yer tutur.
Hal-hazırda uşaqların dini tərbiyəsində əsas rolu ailə oynayır.Dinə münasibət baxımından ailələrin özlərinin də müxtəlif tiplərini fərqləndirmək olar.Onların sırasında dindar ailələri xüsusi yer tuturlar.Elə bu ailələrdə də uçaqların dini tərbiyəsi ilə ardıcıl məşğul olurlar.
Ailədə uşaqların dini tərbiyəsinin məzmunu və sistemi necə olmalıdır? Məktəb ailə ilə bu sahədə hansı yönümdə iş aparmalıdır? Valideynlər ücün həmin məqsədlə hansı elmi-metodik vəsaitlər nəşr olunmalıdır?Bu suallar son dərəcə aktualdır.Azərbaycan sosial pedaqogikası onlara əsaslı elmi-metodik cavab verməlidir.
Dostları ilə paylaş: | 
