Mövzu№13:Ətriyyat-kosmetika mallarının və sintetit-yuyucu vasitələrin eyniləşdirilməsi və saxtalaşdırılması. Plan: Ətriyyat-kosmetika mallarının eyniləşdirilməsi və saxtalaşdırılması

Eyniləşdirmə vasitələrinin və metodlarının xarakteristikası

Verilən məlumatlar	Eyniləşdirmə vasitələri	Eyniləşdirmə metodları	Eyniləşdirmə mərhələləri
1	2	3	4
Malın adı (növü)	Müqavilə, əmtəə-müşayətedici sənədlər, markalanma, GOST, TU, əmtəə	Orqanoleptik, ölçü, ekspert	2
İstehsalçı ölkənin adı (mal göndərən), istehsalçı firma, onun hüquqi ünvanı	Müqavilə, əmtəə-müşayətedici sənədlər, uyğunluq sertifikatı, markalanma, qablaşdırma, əmtəə, mənşəə sertifikatı	Analitik, orqanoleptik	1
Əsas (funksional) təyinatı, onun xarakteristikası	Markalanma, istifadəsi üzrə annotasiya, əmtəə	Orqanoleptik, ölçü, ekspert	2
Məcburi sertifikatlaşma haqqında məlumat	Markalanma, əmtəə-müşayətedici sənədlər, uyğunluq sertifikatı (və ya surəti), məhsulun nomenklaturası	Orqanoleptik	1
Çəkisi, həcmi	Markalanma, əmtəə	Ölçü	2
Tərkibi	Markalanma, istehsalçının sənədləri, GOST, TU	Orqanoleptik, fiziki-kimyəvi	1,2
İstehsal tarixi, yararlılıq müddəti	Müqavilə, TSD, markalanma, qablaşdırma, GOST, TU, istehsalçının sənədləri	Orqanoleptik, analitik	1
ND işarəsi və ya idxal mallarının əsas xüsusiyyətlərinin qiymətləndirilməsi üçün ND-nin müəyyən edilməsi	Standartın göstəriciləri, GOST, TU, eyniləşdirmə üzrə məlumatlar, markalanma, əmtəə	Analitik, orqanoleptik, ölçü	1,2
Əmtəə nişanı	Markalanma	Orqanoleptik	1,2
OKP və ya TN VED kodu	Göstəricilər: OKP, TN VED kodları, eyniləşdirmə üzrə məlumatlar, GOST, gömrük bəyənnaməsi, uyğunluq sertifikatı	Analitik	1,2

İlkin eyniləşdirmə keçirilməsinin ardıcıllığını və metodikasını nəzərdən keçirəcəyik. Çox zaman qablaşdırmaya baxmaq kifayətdir ki, malın markalanmasında göstərilən istehsalçı tərəfindən istehsal edildiyi müəyyən edilsin. Məhsulların qablaşdırılması üçün nazik kartondan, deformasiyaya uğramış keyfiyyətsiz kartondan, aydın olmayan poliqrafik çap, flakonun pis bərkidilməsi və ya içındəki ilə qutucuq - bütün bunlar malın keyfiyyətinin aşağı olmasının və ya saxtalaşdırma əlamətləridir. Qeyd etmək lazımdır ki, heç də bütün firmalar ətriyyat məhsullarını sellofan ilə qablaşdırmırlar. Bir çox firmalar alış zamanı flakonu və onun dizaynını görməyin mümkün olması üçün sellofan istifadə etmirlər.
Daha sonra ətriyyat və kosmetik vasitənin qablaşdırıldığı taraya baxış keçirilir. Əgər bu şüşə taradırsa, onda istehsalçı tərəfindən onun üzərində press-formalı ştampla özü haqqında məlumat verir. Həmçinin formalama zamanı nöqsan əlamətlərinin olmaması, şüşənin şəffaf olması, pulverizatorun qapağının qabın boğazına kip və düz bərkiməsi tələb olunur. Aerozol qablaşdırmada qapaqları qapalı olduqda axma olmamalıdır. Eləcə də, aerozol qablaşdırmaların deformasiya olmasına yol verilmir.
Bundan sonra flakonun, tubikin və s. üzərində olan markalanma məlumatlarının karton qablaşdırma üzərində və əmtəə-müşayətedici sənədlərində olan məlumatlara uyğunluğu araşdırılır. Bu məlumatlar analiz üsulu ilə qarşılaşdırılır və markalanmanın əsas məlumatlarına əsasən eyniləşdirmə keçirilir: istehsalçı, istehsal tarixi, malın adı və s.