X(t)=sin(2πf1t + φ1)
funksiyali chastotali sinusoidal signal deb olamiz, bu erda f1 - kirish signali chastotasi, φ1- kirish signalining boshlang‘ich fazasi, π = 3,141...
Geterodin f2 o‘zgarmas chastotali va φ2 boshlang‘ich fazali sinusoidal generator hisoblanadi. Geterodin signalini
Y(t)=sin(2πf2t + φ2)
funksiya orqali tavsiflaymiz.
Aralashtirgich signallar ko‘paytirgichi hisoblanadi. Aralashtirgich chiqishida
X(t) · Y(t)
funksiyali murakkab signal hosil bo‘ladi.
sin α · cos β = ½ (sin(α + β) + sin(α - β))
trigonometrik nisbat hisobga olinganda, tushunarli bo‘lib qoladiki, aralashtirgich chiqishidagi signal f1 + f2 va f1 - f2 chastotalarli va mos boshlang‘ich fazalarli sinusoidal signallar yig‘indisidan iborat bo‘ladi.
Oraliq chastota filtri (bu radiotexnikadagi an’anaviy nom) f1 + f2 yoki f1 - f2 chastotalar komponentlaridan birini ajratish uchun mo‘ljallangan. Agar f1 + f2 chastotani o‘tkazadigan filtr qo‘llansa, u holda mos chastotani o‘zgartirish jarayoni chiqish signalining chastotasini kirish signalining chastotasiga nisbatan oshirish bilan bilan bo‘lib o‘tadi. Agar f1 - f2 chastotani o‘tkazadigan filtr qo‘llansa, u holda o‘zgartirish jarayoni chiqish signalining chastotasini kirish signalining chastotasiga nisbatan kamaytirish bilan bilan bo‘lib o‘tadi. Chastota o‘zgartirgichining (ChO‘) funksional sxemasi va AM-signal spektrini o‘tkazish grafiklari 12.6- rasmda keltirilgan.
12.6- rasm. Chastota o‘zgartirgichining funksional sxemasi va AM-signal spektrini o‘tkazish grafiklari
Kirish fizik signali bu f1 bittalik chastota emasligi, chastotalar yig‘indisi esa cheklangan o‘tkazish polosasili real signalning yoyilishi ekanligi hisobga olinganida, tushunarliki, chastotani o‘zgartirish jarayoni signal chastotalar polosasini chastotalar o‘qida chapga yoki o‘ngga surish bo‘lishi mumkin. Geterodinning chastotasini qayta sozlash bilan o‘zgartirish maqsadiga bog‘liq ravishda chiqish chastotasini yoki kirish chastotasini surish bilan boshqarish mumkin.
Dostları ilə paylaş: |
