Su Ehtiyatları üzrə İnteqrasiyalı İdarəetmənin (SEİİ) tətbiqi səviyyəsi. Beynəlxalq səviyyədə razılaşdırılmış tərifə əsasən, Su Ehtiyatları üzrə
İnteqrasiyalı İdarəetmə (SEİİ) həyati əhəmiyyət daşıyan ekosistemlərin
dayanıqlılığına xələl gətirmədən iqtisadi və sosial rifahı ədalətli şəkildə
maksimum səviyyəyə çatdırmaq məqsədilə su, torpaq və əlaqəli resursların
əlaqələndirilmiş şəkildə inkişafını və idarə olunmasını yaxşılaşdıran prosesdir
(Qlobal Su Tərəfdaşlığı 2010). “Su ehtiyatları üzrə İnteqrasiyalı İdarəetmənin
tətbiqi səviyyəsi” göstəricisi faizlə ifadə olunur və ölkədə su ehtiyatlarının
idarəçiliyinin nə dərəcədə inteqrasiyalı olduğunu səciyyələndirir. BMT-nin Ətraf
Mühit Proqramı (UNEP) tərəfindən göstəricinin qiyməti üzrə 6 kateqopriya
müəyyənləşdirilib: çox aşağı (0-10 faiz); aşağı (11-30 faiz), orta aşağı (31-50
faiz); orta yüksək (51-70 faiz); yüksək (71-90 faiz); çox yüksək (91-100 faiz).
Göstərici üzrə qiymətləndirmələr 4 komponent (normativ-hüquqi baza; SEİİ-nin
tətbiqinə dəstək göstərən təşkilatlar və onların vəzifələri; idarəetmə vasitələri;
maliyyələşdirmə) əsasında aparılır. Ekologiya və Təbii Sərvətlər Nazirliyi
tərəfindən 2019-cu və 2020-ci illər üçün aparılan qiymətləndirmənin nəticələrinə
əsasən Azərbaycan Respublikasında su ehtiyatları üzrə inteqrasiyalı
idarəetmənin tətbiqi səviyyəsi 30 faiz (“aşağı”) təşkil etmişdir. Suyun istifadəsi
sahəsində əməkdaşlıq haqqında sazişlərlə əhatə olunan transsərhəd su
hövzələrinin xüsusi çəkisi transsərhəd hövzələrin suyun istifadəsi sahəsində
əməkdaşlığa dair işlək sazişə malik ölkənin daxilində olan hissəsinin sahəsidir.
2015-2020-ci illər ərzində suyun istifadəsi sahəsində əməkdaşlıq haqqında
sazişlərlə əhatə olunan transsərhəd su hövzələrinin xüsusi çəkisi 21,7 faiz təşkil
etmişdir.
