X. İstifadə olunan ədəbiyyat 1.Mixaylov A.Y. Struktur geologiya və geoloji xəritəalma. Moskva, Nedra, 1973, 1084 (rus dilində);
2.Sokratov Q.İ. Struktur geologiya və geoloji xəritəalma. Moskva, Nedra, 1972 (rus dilində);
3.Pavlinov V.N. Struktur geologiya və geoloji xəritəalma geotektonikanın əsasları ilə. Moskva, Nedra, I hissə, 1979 (rus dilində);
4.Orucov V.Ə., Hüseynov H.M. Struktur geologiya və geoloji xəritəalma. Maarif, 1985;
1.Patrice F. Rey. İntroduction to Structural Geology.(ingilis dilində)
2. K. Seyferta. Struktur geologiya və plitələr tektonikası. I, İİ, III tom , 1991
Adı: Çöküntütoplanmada uzunmüddətli fasilələr. Stratiqrafik uyğunsuzluğun formalaşması və növləri. Struktur mərtəbə Tarix: 26.10.2021,
Plan: 1. Uzunmüddətli fasilələrin xüsusiyyətləri 4. Stratiqrafik uyğunsuzluqların növləri Uzun muddətli fasilə dedikdə muəyyən geoloji zaman ərzində Yer səthinin “+” işarəli relyefinin aşınması nəzərdə tutulur.
Yer səthinin relyefi şərti olaraq aşınma və çökuntu toplanma zonalarına bölunə bilər. Bu baxımdan “+”işarəli şaquli hərəkətlərə (qalxmaya) məruz qalan ərazilərdə aşınma, “-“ işarəli şaquli hərəkətlərə (enməyə) məruz qalan ərazilərdə isə çökuntutoplanma prosesi baş verir. Geoloji inkişaf boyu bu iki növ ərazi şaquli hərəkətlərin xususiyyətlərinə görə öz paleocoğrafi şəraitini dəyişirlər.Yəni aşınma zonası çökuntutoplanma zonasına və əksinə çevrilmiş olur.
Beləliklə, aşınma zonası çökuntu toplanma zonasına çevrildikdə, yeni formalaşan laylarla uzunmüddətli fasilə zamanı aşınmaya məruz qalan laylar arasında geoloji yaş ardıcıllığı pozulmuş olur.Yəni kəsiliş boyu layların yatımında geoxronoloji ardıcıllığın pozulmasına (kəsilişdə bu və ya digər yaşa malik layların iştirak etməməsinə) stratiqrafik uyğunsuzluq deyilir.
Yer qabığının çökmə qatının və onun kəsilişində stratiqrafik uyğunsuzluqların formalaşmasına səbəb şaquli tektonik hərəkətlərdir.Məhz onların sayəsində Yer səthinin hər hansı bir hissəsi çökuntu toplanma və yaxud da aşınma zonasına çevrilə bilər.Bu baxımdan şaquli tektonik hərəkətlər aşağıdakı xususiyyətlərə malikdir:
