Ox səthi – Qırışığın tənbö-lənindən keçən, onu iki bərabər və simmetrik hissəyə bölən səthə ox səthi deyilir.
Qırışığın oxu – Ox səthi ilə üfüqi müstəvinin yaxud relyef səthinin kəsişməsindən alınan izə qırışığın onu deyilir. Eləcədə şaquli müstəvi ilə ox səthinin kəsişməsindən alnan izə qırışığın şaquli oxu deyilir.
Qırışığın qanadı – Qırışığın yamaclarına onun qanadı deyilir. Hər normal, tam inkişaf etmiş qırışığın iki qanadı olur.
Qırışığın nüvəsi – Hər hansı bir laya görə qırışığın daxili hissəsinə onun nüvəsi deyilir.
Qırışığın tağı –Qırışığın qanadlarının onun yuxarısında qovuşduğu hissəsinə antiklinalın tağı deyilir. Sinklinalın qanadlarının onun aşağısında qovuşduğu hissəsinə sinklinalın dibi deyilir.
Tağ xətti – Antiklinal qırışığın tağının ən yüksək nöqtələrindən keçən xəttə deyilir. Sinklinalda isə onun dibinin ən aşağı nöqtələrini birləşdirən xəttə dib xətti deyilir.
Qırışığın şarniri – Ox səthi ilə lay səthinin kəsişməsindən alınan izə qırışığın şarniri deyilir. Qırışığın istənilən sayda şarniri ola bilər (qırışıqdan asılı olaraq). Şarnirin dalğavari əyilməsinə onun undul-yasiyası deyilir. Əgər qırışıq simmetrikdirsə bu zaman şarnir xətti ilə tağ xətti üst-üstə düşür.
Qırışığın qırışma bucağı – Qanadların təşkil etdiyi bucağa qırışığın qırışma bucağı deyilir, yaxud qanadlara çəkilən toxunanlar arasında qalan bucağa qırışma bucağı deyilir
Qırışığın periklinalı – Antiklinal qırışığın qanadlarının öz istiqamətlərini dəyişərək qovuşduqları zonaya onun periklinalı deyilir. Sinklinalda bu hissəyə sentriklinal deyilir. Hər tam inkişaf etmiş antiklinal qırışıq iki periklinala malikdir. Antiklinal qırışığın qurtaracaqlarında onun şarnirinin undulyasiya etdiyi sahəyə periklinal deyilir, sinklinalda isə sentriklinal deyilir.
