1. İnfiltrasiya nəzəriyyəsi –latınca –in – daxil, filtratio-süzülmə deməkdir. İnfiltrasiya – sərbəst (qravitasiya) suyun doymamış süxurlarda məsamə və kiçik çatlar vasitəsilə enən hərəkətidir. Bu nəzəriyyəyə görə yeraltı sular əsasən atmosfer çöküntülərinin süxurlardakı məsamə və çatlar vasitəsilə süzülərək yerin dərin qatlarında toplanmasından əmələ gəlir. Yeraltı suların infiltrasiya mənşəli olması ilk dəfə romalı mühəndis Mark Vitruvio Pollio tərəfindən (e.ə.I əsrdə traktatda) irəli sürülmüşdür. Bu traktat rus dilinə 1782 – 1799-cu ildə tərcümə olunub. Sonralar fransız alimləri Bernard Pallisi və E.Mariott tərəfindən tədqiqatlarla təsdiq olunmuşdur. Hal-hazırda da aparılmış tədqiqatlar yeraltı suların əsas qidalanma mənbəyinin atmosfer çöküntüləri olduğunu bir daha təsdiq edir və böyük miqdarda şirin və müxtəlif tip mineral suların əmələ gəlməsini izah edən infiltrasiya nəzəriyyəsi hesab olunur.
