Mühazirə 12
NEFT VƏ QAZ YATAQLARININ HİDROGEOLOGİYASI
Neft və qazla müşayiət olunan yeraltı sular axtarış - kəşfiyyat işlərində neft və qaz yataqlarının işlənilməsi və istismarı zamanı rast gəlir.
Neft və qaz yataqları hüdudlarında yeraltı suların öyrənilməsi həm də onların müalicə, sənaye (qiymətli komponenlərin alınması üçün), termal (istilik üçün), şirin sular (qəsəbələrin və neft mədənlərinin su təchizatı üçün) keyfiyyətində istifadəsi nöqteyi - nəzərindən zəruridir.
Neftli - qazlı zonalarda hidrogeoloji müşahidələr neft və qaz yataqlarının axtarışı, kəşfiyyatı və istismarı üçün nəzərdə tutulan dərin quyular üzrə aparılır.
Bəzi hidrogeoloji tədqiqat növləri ümumi təyinatlı olub, yuxarıda göstərilən bütün məqsədlər üçün, digər tədqiqat növləri isə neft və qazın axtarışı üçün (neft – qaz axtarışı hidrogeologiyası), üçüncü növ tədqiqatlar isə neft-qaz yataqlarının səmərəli işlənilməsi məsələlərinin (neft-qaz mədən hidrogeologiyası) həlli üçün tətbiq edilir.
Dostları ilə paylaş: | 
