Biokinematik zəncirlər.
Bədənin bir neçə hissəsinin və ya sümüklərin oynaqlar vasitəsilə birləşməsi kinematik zəncir adlanır. Kinematik zəncirlər açıq və bağlı kinematik zəncirlərə bölünür. Açıq kinematik zəncirdə üç hissə azaddır, o yalnız bir ucdan bağlıdır (məsələn, insanın ətrafları).
Hər iki tərəfdən bağlanan kinematik zəncir isə bağlı kinematik zəncir adlanır. Məsələn qabırğa – döş, qabırğa – fəqərə oynaqları. Açıq kinematik zəncirdə, adətən bir neçə oynaqda hərəkətlər eyni zamanda icra olunur. Ancaq oynaqlarda müstəqil hərəkətlər də mövcud ola bilir. Açıq biokinematik zəncirlərin çox hissəsi çox oynaqı əzələlərə malikdirlər. Ona görə də bir oynaqda hərəkətləri əmələ gətirən əzələlər qonşu oynaqlarda da hərəkətlərin əmələ gəlməsinə səbəb olurlar. Bağlı kinematik zəncirdə isə bir oynaqda müstəqil hərəkətlər mümkün olmur. Bu hərəkətlərə eyni zamanda mütləq başqa birləşmələr də cəlb olunurlar. Bir hissənin hərəkəti hətta ən uzaq hissələrin hərəkətinə təsir edir. Bağlı kinematik zəncirləri açmaq mümkün deyildir. lakin, açıq kinematik zəncirlər bağlı kinematik zəncir əmələ gətirə bilərlər (məsələn, döşəmə üzərində durduqda və ya əllər beldə olduqda, şəkil).
Dostları ilə paylaş: |
