Mühazirə konspektləri ( Magistratura səviyyəsi üçün ) " Ali məktəb pedaqogikası"

Kurs və diplom işləri. Tədris planına əsasən tələbələr, adətən II, III kurslarda əsas, aparıcı ixtisas-peşə fənlərindən kurs işi, sonuncu kursda isə diplom işi, yəni buraxılş işi yazırdılar. Əsas məqsəd tələbələrdə elmi-tədqiqat bacarıqlarının formalaşdırılması, analitik təfəkkürün, yaradıcılığ potensialı inkişaf etdirilməsidir.
Laborator-praktik məşğələlər. Praktik məşğələlərin əsas məqsədi biliklərin dərinləşdirilməsi və möhkəmləndirilməsi, intellektual, əmək və peşə fəaliyyəti bacarıqlarının formalaşdırlmasıdır.
Aid olduğu təlim fənnin məqsədindən asılı olaraq hər bir laborator məşğələnin planı tərtib olunur.
Müasir ali məktəblərdə laborator-praktik məşğələlərin aşağıdakı formalarından istifadə olunur:

• 
  kollektiv forma;
  
• 
  qruplarla məşğələ;
  
• 
  frontal məşğələ;
  
• 
  fərdi məşğələ.
  

Kollektiv formada bütün tələbələr birgə, frontal formada bütün tələbələr fərdi, şəkildə verilən tapşırığı həll edirlər.
Bu məşğələlər: şifahi (bütün fənlər), yazılı (dil. riyaziyyat), qrafik (coğrafiya, rəsmxətt), audiovizual (kompüter elmləri) əşyavi-vizual (kimya, fizika) və s. aparıla bilər.
Bu məşğələlərin səmərəlilik kriteriyalarına daxildir:

• 
  tələbələrin müstəqillik və fəallığının səviyyəsi;
  
• 
  məşğələnin məqəsdi ilə bağlı bacarıqların seçilməsi;
  
• 
  tələbələrin tədqiqatçılıq və yaradıcılığının səviyyəsi və xarakteri;
  
• 
  keçirilmiş məşğələdən müəllim və tələbələrin məmnunluğu.
  

Yeni fəaliyyətə başlayan müəllimlərə bəzi metodik tövsiyyələr:

• 
  praktik məşğələnin mövzusunu dəqiqləşdirmək, onun strukturunu, məzmununu, keçirilmə yerini müəyyən etmək;
  
• 
  metodları seçmək;
  
• 
  istifadə ediləcək vasitələri seçmək;
  
• 
  tələbələrlə əlaqə formasını, nəzarət formalarını müəyyən etmək;
  
• 
  məşğələnin yekunlarını müzakirə etmək.