Mühazirə Məruzə Çıxış Ədəbiyyat: Abdullayev N., Məmmədov Z. Nitq mədəniyyətinin əsasları. Bakı, 2008

Təskil olunmus nitq. (təşkil olunmuş nitq deyəndə monoloji nitq məzərdə tutulur). Adından məlum olduğu kimi, əvvəlcədən planlaşdınlmış, nəzərdə tutulmuş nitqdir. Bu nitq üçün hazırlaşmaq, plan tutmaq, ədəbiyyat oxumaq, mövzunun əhatə edilməsi, fıkrin ardıcıllığına nail olmaq üçün qeydlər aparmaq, ifadə olunacaq məzmunu yaxşı dərk etmək, onun dinləyiciyə daha yaxşı çata bilməsi üçün münasib sözlər seçmək, cümlələr qurmaq və s. lazım gəlir. Məlumatı səthi, lüğət ehtiyatı zəif olan adamlar qabaqcadan hazırlaşmadan auditoriya qarşısında çıxış etməkdə, danışıq prosesində qurmaq istədikləri cümlələri tamamlamaqda, zəruri sayılan sözləri seçməkdə çətinlik çəkirlər. Bu zaman lüzumsuz fasilələrə yol verilir. Belə fasilələrdən can qurtarmaq üçün danışan çox zaman mətləbə heç bir dəxli olmayan tüfeyli söz və ifadələr işlədirlər: məsələn, demək olar ki, deməli, əsasən, əsas etibarilə, necə deyərlər, söz məsəli, zaddı, adı nədi, adını sən de, əgər belə demək mümkünsə və s.) işlətməyə məcbur olur ki, bu da nitqin qırılmasına, diqqətin yayınmasına səbəb olur.
Natiq belə bir vəziyyətlə qarşılaşmamaq üçün söyləyəcəyi fikri yazıya köçürməli, sonra onu şifahi şəkildə ifadə etməlidir. Bü cür təşkil olunmuş nitqdə aşağıdakılar əsas götürülməlidir: a) məzmun ilə bağlı faktlar, misallar, nümunələr toplamaq; b)toplanmış faktları, misalları nitqdə məqamına görə yerləşdirmək; c) nitqin məzmununu yazmaq; ç) nitqi əzbərləyib yaddaşına köçürmək, dəfələrlə məşq edib söyləmək; d) mövzunu dinləyicilərin qarşısında şərh etmək.
Natiq öz əməli fəaliyyətində «nəyi demək?», «harda demək?», «necə demək?» suallarına cavab tapmağa çalışmalıdır.
«Nəyi demək?» sualı dinləyici üçün maraqlı, aktual olan məsələlərin, problemlərin şərhini, izahını nəzərdə tutur. Fərz edək ki, natiq işğal olunmuş iorpaqlanmızda maddi sərvətlərin ermənilər tərəfindən talan olunması məsələsini gündəmə gətirər. Şübhəsiz bu barədə söhbət maraqla dinləniləcəkdir.
«Harada demək? sualına cavab vermək üçün natiq dediklərini əsaslandırmaq məqsədilə faktları, sübutları, yeraltı və yerüstü sərvətlərimizdən hansılardan, nə qədər qarət edilməsi və bunun nəticəsində ölkəmizə dəyən maddi ziyan və s. söhbətin hansı yerində gətirəcəyini müəyyənləşdirməlidir.
«Necə demək?» sualının müqabilində natiq auditoriyanın diqqətini özünə cəlb etmək üçün sərrast cümlələrdən, rəngarəng ifadə vasitələrindən, uyarlı intonasiyadan istifadə etməyi, səbəb-nəticə əlaqəsi əsasında söhbətini yekunlaşdırmağı bacarmalıdır.
Müəllimlik fəaliyyətində nitqin birinci formasından daha geniş şəkildə istifadə edilir. Sinif, auditoriya qarşısında müəllimin izahı, məruzəsi, şübhəsiz, əvvəlcədən öyrənilmiş, planlaşdınlmış fikirlər, məlumatlar üzərində qurulur. Burada ölçülüb-biçilmiş fikirlər aydın və yığcam cümlələrlə ifadə olunur, sölynələnlər, konkret faktlarla, dəlillərlə, nümunələlə əsaslandırılır, lüzumsuz təfərrüata yol verilmir.