I zəif zəlzələ: 1 bal (hiss edilməyən ) –cihazlar yer titrəyişini qeydə alsalar da, insanlar bunu hiss etmir.
2 bal (çox zəif) – binaların yuxarı mərtəbələrində yaşayan insanlar yüngül titrəyiş hiss edir.
3 bal (zəif) – bir çox insanlar titrəyişi hiss edir.
4 bal (mülayim) – zəlzələni əsasən hamı hiss edir, şüşələr silkələnir.
II güclü zəlzələ: 5 bal (xeyli güclü) – yatmış insanların çoxu ayılır, çilçıraqlar yerlənir, qapı və divarların cırıltısı hiss
edilir.
6 bal (güclü) - binalar tərpənir, divarların suvağında çatlar əmələ gəlir, mebellər silkələnir.
7 bal (çox güclü) – hamı hiss edir, bir çoxları qorxudan küçəyə qaçır, divarlardan asılmış tabellər
düşür, suvaq parçaları qopub tökülür.
III dağıdıcı zəlzələ: 8 bal (dağıdıcı) – karnizlər, tüstü sobaları düşür, divarlarda ara çatları əmələ gəlir və qismən dağılır,
antiseysmik tikililər salamat qalır, çayların sahillərində sürüşmələr baş verir, heykəllər yerindən
tərpənir və ya aşır.
9 bal (viranedici) – binaların divarları və üst örtükləri dağılır.
10 bal (məhvedici) – Yer səthində 1m-dək enində çatlar əmələ gəlir, daş tikililər dağılır, boru
kəmərləri qırılır, ağaclar yıxılır.
11 bal (fəlakət) – dağlarda böyük uçqunlar olur, çoxlu uçurum və sürüşmələr baş verir, dəmiryol
relsləri əyilir və yerindən tərpənir.
12 bal (güclü fəlakət) – Yer səthində böyük dəyişikliklər baş verir. Şəlalələr, süni göllər, nohurlar
əmələ gəlir. Çayların məcrası dəyişir. Heç bir tikinti davam gətirmir. Bitki və heyvanlar uçqunlar
nəticəsində məhv olur.
Dağıdıcı xarakterinə görə zəlzələnin təsiri nüvə partlayışı zamanı zərbə dalğasının təsirinə
bənzəyir. Zəlzələlər əsasən dağlıq rayonlarda baş verir. Respublikamız seysmik cəhətdən narahat
regiondur.
