Mühazirələri tərtib edən: dosent Əliyev Mahir Əlişah baki-2014

İstehlak məhsulları bazarının seqmentləşdirilməsinin psixoqrafik me­yarları. İstehlak məhsulları bazarının seqmentləşdirilməsində ən çox isteh­lakçıların məhsula adaptasiyası, istehlakçının həyat tərzi, məhsulda axta­rılan fayda və istehlakın həcmi meyarlarından istifadə olunur.

Bazarın tutumunu və müxtəlif məhsulların satışının həcmini müəy­yən edən amil bazara çıxarılan məhsulu istehlakçının qəbul edə bilməsi, ona adaptasiyasıdır. İstehlakçı yeniliyi nə qədər tez qəbul edirsə, ona nə qədər tez uyğunlaşırsa, onda satışın həcmi bir o qədər tez arta bilər və rek­lama çəkilən xərclər xeyli ixtisar olunar. Buna görə də istehlak məhsulları bazarının istehlakçıların məhsullara adaptasiyasına görə seqmentləşdirilmə­sindən çox geniş istifadə olunur. Bu seqment­ləşdirmə meyarından, bir qayda olaraq bazara yeni məhsul çıxarılarkən istifadə olunur. Bu əlamətə görə S.Madjaro amerikalı istehlakçıları aşağıdakı 5 seqmentə bölür.

1. 
   Supernovatorlar. Bu kateqoriya istehlakçılar risk etməyə, eks­pe­ri­mentlərə meyillidirlər və bazarın potensial tutumunun 2,5%-ini təşkil edir­lər.
   
2. 
   Novatorlar. Bu istehlakçı kateqoriyası da yüksək sosial statusa ma­likdirlər, lakin birinci qrupa nisbətən riskə az meyillidirlər. Bu qrup bazarın potensial tutumunun təxminən 13,5%-ini təşkil edir.
   
3.