34.Bioloji silahlardan mühafizə üsulları Bakterioloji zədələnmə ocağı yaranan yerlərdə karantin və observasiya rejimləri tətbiq olunur.Karantin – bakterial yoluxma ocağını təcrid etmək, xəstəliyin yayılmasının qarşısını almaq və yoluxmanı aradan qaldırmaq məqsədilə yerinə yetirilən, epidemiya əleyhinə rejimli müalicəvi tədbirlər sistemidir. Əgər xəstəlik törədicisi o qədər təhlükəli deyilsə və kütləvi yoluxma qorxusu yoxdursa, karantin observasiya ilə əvəz olunur. Observasiya - epidemiya əlamətləri olan yerlərdə yoluxucu xəstəliklərin yayılmasının qarşısını almaq məqsədilə həyata keçirilən təcridetmə - məhdudlaşdırma və müalicə-profilaktika tədbirləri sisteminə deyilir. Karantin və observasiya zonalarında zərərsizləşdirmə tədbirləri (dezinfeksiya), gəmiricilər və həşəratlarla mübarizə tədbirləri (dezinseksiya və deratizasiya) həyata keçirilir.Bakterioloji vasitələrdən mühafizə üçün karantindən, observasiyadan, peyvəndlərin vurulmasından, sığınacaqlardan, fərdi və xüsusi geyim vasitələrindən istifadə olunur. 35.Mülki Müdafiə qüvvələrinin yaradılması,təşkili və təminatı Mülki müdafiə qüvvələri - mülki müdafiənin qoşun hissələrindən, həmçinin icra hakimiyyəti başçılarının tabeliyində olmaqla, mülki müdafiənin xüsusi tapşırıqlarının yerinə yetirilməsinə cəlb olunan müxtəlif təyinatlı qüvvələrdən ibarətdir. Mülki müdafiə qüvvələri - fövqəladə halların nəticələrinin aradan qaldırılması, qəza-xilasetmə işlərin yerinə yetirilməsi üçün yaradılır. Mülki müdafiə qüvvələrinin əsasını - hərbiləşdirilməmiş dəstələr təşkil edir. Mülki müdafiə dəstələri tabeliyinə və məqsədinə görə növlərə bölünür:
Tabeliyinə görə - ərazi dəstələri və obyekt mülki müdafiə dəstələrinə bölünürlər.
