43.Radiasiya əleyhinə daldalanacaqlar və sadə daldalanacaqlar Radiasiya əleyhinə daldalanacaqlar əsasən radioaktiv zəhərlənmədən, eləcə də düşmənin top-mərmi atəşlərinin təsirindən qorumaq üçündür. Bunlardan əlavə evlərin zirzəmilərində və xüsusi olaraq düzəldilən üstü örtülmüş səngərlərdə və ya açıq xəndəklərdə də gizlənmək və qismən mühafizə olunmaq mümkündür. Bunlara sadə daldalanacaqlar deyilir. Belə daldalanma yerləri xüsusən sərhədboyu rayonlarda hər bir ailə üçün olmalıdır. Radiasiya əleyhinə daldalanacaqlar da, adətən, sığınacaqda olduğu kimi adamlar yerləşən əsas otaqlardan və yardımçı otaqlardan ibarət olur. Əsas otaqda havanın təmizlənməsi üçün süzücü-ventilyasiya aqreqatı quraşdırılır. Burada da adamların oturması və dincəlməsi üçün oturacaqlar və taxtlar yerləşdirirlər. Düşmənin qəfil basqını zamanı əhalinin xeyli hissəsi mühafizəqurğuları ilə təmin edilməyən hallarda müasir qırğın vasitələrindən əhalinin kütləvi mühafizəsini qısa müddətdə təmin etmək üçün sadə daldalanacaqlar həlledici əhəmiyyət kəsb edir.Sadə daldalanacaqlara üstü açıq və örtülü yarğanlar , səngərlər aiddir.Örtülü yarğan adamları işıq şüalnmasından tamamilə qoruyur, zərbə dalğasının təsirinin 2, 5-3 dəfə zəiflədir, nüfuzedici radiasiyanın və radioaktiv şüalanmanın təsirinin isə 200-300 dəfə azaldır. Belə daldalanacaqların üstün cəhətləri bundan ibarətdir:
konstruksiyaları sadədir;
tikinti materialları asan əldə edilir;
işlərin həcmi az olur;
radiasiya daldanacağının mühafizə xassələrini sığınacağın xassələri səviyyəsinə çatdırmaq mümkündür.Sadə daldalanacaqların tutumu 10-50 nəfər nəzərdə tutulur
44.Fövqaladə hallar zamanı əhalinin köçürülməsinin mahiyyəti,məqsədi və üsulları.Fövqaladə hallar zamanı əhalinin köçürmə tədbirlərinin planlaşdırılması və təminatı Köçürmə tədbirləri – həm sülh dövründəki fövqəladə hallarda, yəni təbii fəlakətlər və qəzalar zamanı, həm də müharibə dövründə kütləvi qırğın silahlarından istifadə edilərkən əhalinin təhlükəsizliyini təmin etmək üçün həyata keçirilir.
