12. Münaqişələr və böhranlı idarəetmədə əməkdaşlıq
Birincisi, bu bütün kollektiv üzvlərinin eyni ümumi məqsədlərinin olması deməkdir.
İkincisi, bu bütün işçilərin özünü bir kollektiv üzvü hesab edərək psixoloji cəhətdən bir-birini başa düşməsi olub, öz aralarında yalançı münasibətlər deyil, real qarşılıqlı münasibətlərin qurulması deməkdir. Bu qarşılıqlı münasibətlər nəticəsində kollektivin ümumi potensialı, ayrı-ayrı üzvlərinin potensiallarının cəmindən xeyli yüksək olur.
Üçüncü, bu işçilərin qarşılıqlı münasibətlərinin daimiliyidir ki, nəticədə qrup üzvlərinin bir-birinə qarşılıqlı təsiri yaranır. Buradan isə əməkdaşların ümumi maraqları və məqsədlərini formalaşdıran anlaşma zərurəti baş verir. Qarşılıqlı münasibətlər əsasında müəssisə işçiləri arasında əməkdaşlıqla yanaşı, əmək fəaliyyəti zamanı hər kəsin öz xeyrini güdmək səbəbindən, həm də bir rəqabətə mövcuddur.
Əməkdaşlıq, müəssisənin müvəffəqiyyətlə fəaliyyət göstərə bilməsi üçün vacib şərt olduğu halda, rəqabət, daha mürəkkəb və ziddiyyətli hadisədir. Yəni, bir işçi öz məqsədlərinə çatmaq üçün digər bir işçiyə mane ola və ya onun istəklərinin əksinə gedə bilər. Rəhbərin vəzifəsi bu obyektiv hadisənin müsbət əlamətlərindən müfəffəqiyyətlə istifadə etməyi bacarmasıdır.
