Xozirgi zamon domna pechlari juda katta inshoatlar bo’lib, boyi 70 m (foydali balandligi 35 metrgacha) ga yetadi, hajmi esa 2000…5000 m³dan oshadi.
Bitta domna pechida so’tkasiga + 10000 t dan ko’proq chuyan ishlab chiqariladi.
Domna pechlari, barcha shaxta pechlari kabi, qarshi oqim prentsipida ishlaydi, ya‘ni yoqilg’i (koks), ruda va flyus domna pechining tepasidan tushiriladi.
Ular o’z og’irligi ta‘siri pechning tubiga tomon uzluksiz tushib turadi, pechning tubiga yoqilg’ining yonishidan hosil bo’lgan mahsulotlar-yuqori temperaturali gazlar tepaga uzluksiz ko’tarilib turadi.
Domna pechi beshta asosiy qismdan, gorn, zaplechik, raspar, shaxta va koloshnikdan iborat.
Gorn.Domna pechining bu qismida yoqilg’i yonadi, suyuq chuyan va shlak yig’iladi. Garnning tubi leshchad deb ataladi, suyuq chuyan ana shu leshchad (1) ga oqib tushadi.
Garnda leshchad sadxidan sal balandga chuyan chiqarish uchun teshik, undan yuqoriroq esa shlak chiqarish uchun teshik qilingan.
Gornning yuqoridagi qismida aylana boylab furmalar (3) o’rnatilgan, bu furmalar soni o’n oltita va undan ortiqroq bo’ladi, yoqilg’ining yonishi uchun zarur bo’lgan havo pechga ana shu furmalar orqali xaydaladi. Qizdirilgan havo furmalarga xalqa truba (10) dan keladi. Gornda temperatura 1800°C dan oshadi.
Zaplechik.Domna pechining bu qismi – katta asosi, tepaga qaragan kesik konus shaklida bo’lib, unda temperatura 1900°C ga yetadi va metall bilan shlak suyuqlanishda davom etadi.
Raspar. U domna pechining keng qismi bo’lib, tsilindr shaklidadir. Rasparda temperatura 1400°C va undan yuqorirok bo’ladi. Domna pechining bu qismida metall suyuqlanadi va shlak hosil bo’la boshlaydi.
Shaxta. Domna pechining eng asosiy va eng katta (uzun) qismi bo’lib yuqoridan pastga tomon kesik konus shaklida bo’ladi.
