Didaktik tərz kimi müqayisənin üç növü var: tutuşdurma, qarşılaşdırma və tam müqayisə. Tutuşdurma zamanı tərəflər arasında oxşar əlamətlər üzə çıxarılır. Qarşılaşdırma əməliyyatı zamanı tərəflər arasında fərq əlamətləri müəyyənləşdirilir. Tam müqayisə zamanı isə tərəflər arasında həm oxşar, həm də fərq əlamətləri aşkarlanır.
Müqayisənin hər növü üç variantda özünü göstərir. 1. Müqayisəni (tutuşdurmanı, qarşılaşdırmanı və ya tam müqayisəni) müəllim aparır: bu zaman tələbələr onu dinləyir.
Müqayisə (tutuşdurma, qarşılaşdırma və ya tam müqayisə) müsahibə formasında aparılır: müqayisə ilə əlaqədar müəllim sual qoyur, tələbələr cavab verirlər. 3. Müəllimin göstərişi ilə tələbələr sərbəst müqayisə aparırlar.
