Özünəxidmətəməyi.Əməklə əlaqədar olan anlayışların, bacarıq və vərdişlərin ilkin təməli ailədə özünəxidmət əməyi vasitəsi ilə qoyulur. Təcrübəli valideynlər uşaqlarını balacalıqdan özünəxidmət əməyinə cəlb edirlər. Uşaqlar özləri
üçün çay gətirmək, stəkan-nəlbəkisini aparmaq, yatağını açmaq və yığışdırmaq, üst-başını səliqə-səhmanda saxlamaq, paltarına ütü çəkmək, ayaqqabısını təmizləmək, gigiyenik qaydalara əməl etmək kimi bacarıq və vərdişlərə yiyələnirlər. Bir qədərdən sonra uşaqların qayğı dairəsi genişlənir. Onlar tək özləri üçün deyil, ailənin digər üzvləri barədə, xüsusən ana və ataları haqqında düşünür, onlara da qayğı göstərir, məişət əməyində iştirak etməyə başlayırlar.