Mündəricat Table of Contents Рedaqoji elm və pedaqoji proses; onların qarşılıqlı əlaqəsi 4

Biliklərin, bacarıqların və mənəvi keyfiyyətlərin əsasən möhkəmləndirilməsinə və tətbiqinə xidmət edən üsullar

Biliklərin, bacarıq və mənəvi keyfiyyətlərin əsasən möhkəmləndirilməsinə xidmət edən üsullar bunlardır: təkrar, çalışmalar, məşq, alışdırma, özünəxidmət əməyi, məişət əməyi, ictimai-faydalı iş, rejim, tədqiqat xarakterli iş.

Təkrar. Təkrar pedaqoji prosesdə geniş istifadə olunan üsullardan biridir. Öyrənilmiş hər hansı fikrin (anlayışın, qaydanın, qanunauyğunluğun, mətnin, faktın, rəqəmlərin və s.-in) yada salınması və dildə ifadəsi təkrar deməkdir. Təkrar əsasən hafizəyə istinad edir.

Təkrar prosesinə şüur qoşulduqda yaddaqalmanın müddəti xeyli uzanır. Bu cür hallarda təkrar mexaniki deyil, şüurlu səciyyə daşıyır. Təkrar olunan materialın gələcək fəaliyyət üçün, həyat üçün əhəmiyyətini başa düşmək, onun mənasını dərk etmək təkrarın şüurluluğuna xidmət edir.

Yerinə yetirdiyi vəzifəyə görə təkrarı üç növə ayırmaq olar:

1. 
   Yeni anlayışın aydın başa düşülməsinə xidmət edən müvafiq məlumatların təkrarı. 2. Unutmanın qarşısını alan təkrar. 3. Ümumiləşdirici və sistemləşdirici təkrar.