Mustaqil mutolaa va adabiy tahlil book · January 022 citations reads 10,542 author

She‟riy asarlar tahlili. She‟riy asarlarni o„rganish metodikaning murakkab 
masalalaridan biri. Nazm kishilar ongi va qalbiga katta kuch bilan ta‟sir qila oladi. 
She‟riy matnlar – emotsional-ifodaviy nutqning takomillashgan namunalaridir. 
Muallifning “men”i ko„p hollarda lirik she‟rlarni o„rganishda o„qituvchi va 
o„quvchi uchun ham ancha qiyinchilik tug„diradi. Boshqacha aytganda, 
kechinmalarning mustaqil, tugal obraz sifatida berilishi muallifning “men”iga 
yaqinlashishni taqozo etadi. 
Lirik 
asarlar 
tahliliga 
bag„ishlangan 
izlanishlarda, 
xususan, 
M.Mirqosimovaning tadqiqot ishida she‟r tahliliga yo„llash bosqichlari 
quyidagicha ko„rsatiladi:
a) ifodali o„qish davomida o„quvchilar taassurotlariga tayanib tahlil yuritish;
1
Borlig„im, kelajagim, taqdirimni baham ko„rdim. Nashrga tayyorlovchi Nodira Said Ahmad qizi. //Saodat. –Т.: 
2011, №5-6. – 15-bet. 

---

33 
b) she‟r matni ustida ishlash, asarning badiiy xususiyatlarini o„rganish;
v) o„quvchilarning ijodkorligiga tayanib lirik qahramon qiyofasini o„rganish, 
asar uslubini aniqlab, obraz yaratish mahoratini yoritish
1
. 
She‟riy asarning umumlashma tahlili maxsus reja asosida amalga oshirilgani 
ma‟qul. Reja kamroq kuch sarflab, aniq materialni xotirada tiklashga yordam 
beradi. Asar rejasini tuzish xaritaga sayohat marshrutini tushirib olishdek gap. Reja 
tuzish o„quvchini fanni o„zlashtirishga tayyorlaydi, dunyoqarashini boyitadi. 
Yaxshi tuzilgan reja badiiy matn tarkibini mazmunli ochish garovidir. Xususan, 
H.Xudoyberdiyevaning “Ayol o„tib borar” she‟rini izchil reja tuzish orqali tahlil 
qilish maqsadga muvofiq.
She‟rda dunyodagi eng mumtoz zotga xos ulug„vorlik sharqona falsafa, 
nozik ta‟blik bilan ifoda etilganki, professor Q.Yo„ldoshev haqli ravishda e‟tirof 
etganidek, “tasvirlanayotgan tuyg„ularning yirikligi o„qirmanni seskantiradi, ham 
o„ylantiradi, seskantirib o„ylantirish orqali yuksaltiriadi”
2
.
1. Bunda dastlab she‟r matni ifodali o„qiladi.
Tahlil har qanday turdagi asarni ifodali o„qishdan boshlanishi haqida 
professor M.Mirqosimova quyidagi fikrni ilgari suradi: “Asarni o„qish davomida 
ijodkor yaratgan tafakkur tarzi anglanadi, o„zlashtiriladi, muhokama qilinadi, 
kitobxon ko„z o„ngida yaratilgan poetik manzara yoki holat ham tashqi, ham ichki 
harakatlar, tuyg„ular orqali idrok etiladi, his qilinadi. O„sha ta‟sirchan manzarani 
yaratishda shoir yo yozuvchi qo„llagan tasvir vositalariga sirtdan ahamiyat 
berilmaydi, asosiy e‟tibor o„qish jarayonida mazmunga, obrazning ichki 
ma‟nolariga jalb etiladi”
3
.
2. Ayrim so„z va iboralar sharhlanadi.
Jarayon “Sen so„rama, men ham aytmayin Kuragimning singanini qars. 
Shovqin solma, men uyg„otmayin, Yuragimda yotar bir yo„lbars” misralarini 
sharhlashdan boshlangani ma‟qul. O„quvchi e‟tibori aynan qarsillab singan kurak, 
yurakni makon etgan jonzot tasviriga qaratilsa, muallifning asl maqsadi 
anglanishiga erishiladi. So„ngra lirik qahramon vujudidagi yo„lbars na‟rasi qanday 
kechinmalar mahsuli ekanligi aniqlanishi zarur bo„ladi. Shu zaylda “o„kirayotgan 
yo„lbars” – junbushga kelgan qalb isyonlari ekanligi kashf qilinadi. Kashf etish 
lazzatini tuydirish esa “o„quvchi shaxsiyatida fikr kishisini tarbiyalaydi
4
. 
3. She‟rdagi g„oyaga munosabat bildiriladi.
O„zbek ayoli shunday yaralganki, eng inja tuyg„ularini ko„ngil qa‟rida 
pinhona saqlaydi, ozorlardan dili og„risa ham o„zgalarga “tishini yormaydi”. 
Ba‟zan mavj urib o„zaniga sig„magan hislari vujud zindonidan vulqondek otilib 
chiqadi-yu, hatto dunyolarni kuydirishga qodir bo„ladi. Garchand armon otlig„ 
jallod tig„idan yuragi nimta-nimta bo„lsa-da, viqor-la shodon odimlab, sho„x 
1
Мirqosimova М.М. O„quvchilarda adabiy tahlil malakasini shakllantirish va takomillashtirish usullari. Ped. fan. 
dokt… diss. –Т.: 1995. – 88-бет.
2
Qozoqboy Yo„ldosh. Buyuk qushning parvozi. //Yoshlik. –Т.: 2013, № 9. 
– 
36-bet.
3
Мirqosimova М.М. O„quvchilarda adabiy tahlil malakasini shakllantirish va takomillashtirish asoslari. –Т.: Fan, 
2006. 
– 
18-bet. 
4
Husanboyeva Q. Adabiyot – ma‟naviyat va mustaqil fikr shakllantirish omili. –Т.: Аlisher Navoiy nomidagi 
O„zbekiston Milliy kutubxonasi nashriyoti, 2009. – 52-bet.

---

34 
yellarga zulfini erkalashga izn beradi. G„am otashidan erib kul bo„lsa-da, 
ma‟yusgina jilmayib Bardoshga oshno tutinadi.
4. Obrazlar, badiiy tasvir vositalari aniqlanadi. Lirik qahramon, ayol va 
yo„lbars obrazlariga munosabat bildiriladi. 
Tahlil chog„ida o„qituvchi muallifning “...badiiy tasvir vositalarini qo„llash 
orqali qanday maqsadni ko„zlagani va uning mazkur asarda nechog„li amalga 
oshganiga e‟tiborini qaratsagina ijodkor yaratgan badiiy olamga yo„l ochiladi”
1
.
Lirik qahramon o„y-xayollari o„quvchini ummon tubidek sinoatlarga to„la 
ayol qalbidagi sokin manzaralar tahliliga tayyorlaydi. Sabrdan bunyod etilgan 
qo„rg„on bekasi ruhiy olamiga nigoh tashlanar ekan, unda hokisorlik, keng fe‟llilik 
fazilatlari barq urib turganiga guvohi bo„lish mumkin. Shu bois har qancha da‟vo 
qilinsa-da, Yurak atalmish saltanat sarhadlariga daxlsizlikni yoqlashini tushunishga 
harakat qilamiz.
Munisa siyratidagi yo„lbars – yig„ila-yig„ila tog„ qadar qiyofa kasb etgan 
iztirob suvrati. Dardchil kechinmalarning lovullagan alanga tarzida berilishi 
tashbihni, jonzot hayqirig„i mubolag„a san‟atini yuzaga keltirgan bo„lsa, lirik 
qahramon o„zligiga sayqal berishda tazod (so„rama – aytmayman, o„t yonish – 
sovutish, ich-ichida – sirtdan) kabi tasviriy-ifodaviy vositalar imkoniyatlaridan 
unumli foydalanilgan. 
5. Ijodkor kechinmalarini anglashga yo„naltiruvchi savollar tuziladi va suhbat 
o„tkaziladi. Masalan: 
a) yurakdagi yo„lbars qiyofasini qanday tasavvur etdingiz?
b) bu obraz zimmasiga qanday mas‟uliyat yuklangan? 
v) ichda baland o„t yonishi deganda shoira nimani nazarda tutadi? 
g) muallif shaxsiyati aynan qaysi satrlarda bo„y ko„rsatadi? 
d) nima deb o„ylaysiz, hamma ayollar ham she‟rda tasvirlangandek 
matonatlimi? Fikringizni hayotiy misollar bilan asoslashga urinib ko„ring. 
Suhbatda xayolan lirik qahramon ruhiy olamiga sayohat uyushtiriladi, 
tuyg„ulari taftish qilinadi. 
Maxsus tuzilgan reja o„quvchilardan mustaqil ishlashni, o„z nuqtai nazarini 
ifodalashni, baho berishni talab qiladi. Izlanish muhiti ishni jonlantiribgina 
qolmasdan, qiziqarli ham qiladi. Bu esa, o„z navbatida, lirikaning o„quvchi 
shaxsiyatiga ta‟sirini kuchaytiradi.
She‟riyat nasrda ifodalab bo„lmaydigan murakkab insoniy his-tuyg„ular, 
chuqur ichki hissiyotlarni o„zida ifoda etadi. Nazm birinchi o„rinda insonning ichki 
dunyosini tasvirlashga qaratilganligi bilan epos va dramadan farqlanadi. Nazmni 
o„rganishda shoir tuyg„ulariga hamohang hissiyotlar kuchi va teranligini ochib 
berish o„qituvchining bosh vazifasi bo„lib qoladi.
Asarning yaratilish tarixi haqida o„qituvchi hikoyasi tegishli emotsional 
kayfiyatni yuzaga keltiradi. Suhbat, hikoya, tasvir, yod olish, mustaqil ish singari 
faoliyat turlari maqsadga erishishning zarur vositalari bo„lib xizmat qiladi. 
1
Safo Matjon. Маktabda adabiyotdan mustaqil ishlar. O„qituvchilar uchun metodik qo„llanma. –Т.: O„qituvchi, 
1996. – 22-bet. 

---

35 
She‟r ustida ishlash chog„ida o„quvchilarning poetik eshitish qobiliyatini 
rivojlantirish, she‟r qurilmasiga e‟tiborini qaratish orqali nazmni idrok etish 
madaniyati shakllantiriladi. Buning uchun o„quvchilar qofiya, radif, ohang, she‟r 
tuzilishi tizimi, badiiy tasvir vositalari singari tushunchalarni anglab olishi lozim. 
Nazariy tushunchalarni o„zlashtirish orqali o„quvchilar she‟rdagi nafosatni 
his qiladi, o„zi uchun qandaydir yangilikni kashf etadi. Masalan, 7-sinfda Shavkat 
Rahmon ijodi yuzasidan tashkil etiladigan mashg„ulotlarda o„quvchilarning nazariy 
bilimlarini hayotiy kuzatishlari bilan bog„lashga imkon yaratiladi. Shoir ijodi bilan 
tanishar ekan, o„quvchi tabiatning kamalak yanglig„ rangin jilolari lirik 
qahramonning nekbin tuyg„ulariga hamohanglikda bo„y ko„rsatganligiga guvoh 
bo„ladi. 
Shoir tun, osmon, oy, tong, bulut, shamol, suv, daraxt kabi qator timsollarga 
zargarona ishlov berib, inson va tabiat o„rtasidagi garmoniyani topa bilgan. 
Jumladan, “ingroqlarga to„lib ketgan tun”, “ko„zlarimdan ko„ra hayotni yelkalarim 
ko„ribdi ko„proq” kabi chizgilarda inson ruhiyatining anglash mushkul bo„lgan 
tiyiqsiz isyonlari o„z aksini topgan. Shavkat Rahmon ijodining xalqchilligi, o„ziga 
xos jozibadorligi asl maqsadini yashirin tarzda badiiy vositalar yordamida 
ifodalashiga bevosita daxldor. Shuning uchun ham shoir ijodidagi topilmalarni
ruhiyat manzarasi tasvirining nodir kashfiyoti sifatida baholash mumkin.
Shoirning “Tong ochar ko„zlarin...” she‟ri interaktiv “Ikki qismli kundalik” 
metodi asosida o„rganilishi o„quvchilarning estetik didi, tafakkur darajasi, xayolot 
olami va idrok tarzini namoyon etishga yordam beradi. Shuningdek, ifodali 
o„qish, tushunish va tahlil qilish hamda xulosa chiqarish kompetensiyasini 
takomillashtiradi. Tahlil lirik qahramonning ichki kechinmalariga shaxsiy tajribalar 
va qiziqishlar asosida munosabat bildirishni taqozo qiladi. 
Texnologiya bir necha bosqichda amalga oshiriladi. 
Texnologiyani o„tkazish bosqichlari: 
Birinchi bosqichda she‟r o„qishga tavsiya qilinadi. Matn bilan to„liq 
tanishilganidan so„ng ikkinchi bosqich vazifasiga o„tiladi. Bu jarayonda daftar 
varaqlari vertikal chiziq bilan o„rtasidan teng ikkiga bo„linadi.
Navbatdagi bosqichda kundalikning chap tomoniga muallif g„oyalari – 
she‟rdagi o„zlariga yoqqan yoki ma‟qul bo„lmagan misralar yoziladi. Masalan: