N. P. Rasulov, I. I. Safarov, R. T. Muxitdinov

I. To‘g‘ri to‘rtburchaklar formulasi. Bu formulani keltirib chiqarish uchun dastlab а,b kesmani uzunligi bir xil va х=(b–a)/n bo‘lgan n ta [x_i–1, x_i] kesmachalarga (i=1, 2, ∙∙∙, n) ajratamiz. Bunda x_i bo‘linish nuqtalari

(8)

formula bilan topiladi.

So‘ngra integral ostidagi f(x) funksiyaning x_i bo‘linish nuqtalaridagi f(x_i) (i=1, 2, ∙∙∙, n) qiymatlarini hisoblaymiz. Bu qiymatlar va [x_i–1, x_i] kesmachalar uzunligi х bo‘yicha

S_n(f)= f(x₁)х+ f(x₂)х + f(x₃)х+ ∙∙∙ + f(x_n)х

integral yig‘indini hosil qilamiz. Ta’rifga asosan I aniq integral S_n(f) integral yig‘indilar ketma – ketligining n→∞ bo‘lgandagi limitiga teng. Shu sababli, n katta son bo‘lganda, I ≈ S_n(f) deb olish mumkin. Natijada ushbu taqribiy formulaga ega bo‘lamiz:

. (9)

Agar [a,b] kesmada f(x)>0 deb olsak, unda (9) taqribiy tenglikning o‘ng

tomonidagi yig‘indi asoslari bir xil х uzunlikli [x_i–1, x_i] kesmachalardan, balandliklari esa h_i= f(x_i) (i=1, 2, ∙∙∙, n) bo‘lgan to‘g‘ri to‘rtburchaklardan tuzilgan pog‘onasimon geometrik shaklning (74-rasmga qarang) yuzini ifodalaydi. Chap tomondagi aniq integral qiymati esa aABb egri chiziqli trapetsiya yuziga teng.


74-rasm


3-TA’RIF: Aniq integral uchun (9) taqribiy tenglik to‘g‘ri to‘rtburchaklar formulasi deyiladi.

To‘g‘ri to‘rtburchaklar formulasining xatoligi

(10)

formula bilan baholanadi.

Misol sifatida to‘g‘ri to‘rtburchaklar formulasi yordamida

(11)

aniq integralning taqribiy qiymatini topamiz. Buning uchun [0,1] integrallash kesmasini n=10 teng bo‘lakka ajratamiz va hisoblashlar natijalarini quyidagi jadval ko‘rinishida ifodalaymiz.

i	xi=0.1i	1+xi^2
1	0.1	1.01	0.9901	0.9901
2	0.2	1.02	0.9615	1.9516
3	0.3	1.09	0.9174	2.8690
4	0.4	1.16	0.8621	3.7311
5	0.5	1.25	0.8000	4.5311
6	0.6	1.36	0.7353	5.2664
7	0.7	1.49	0.6711	5.9375
8	0.8	1.64	0.6098	6.5473
9	0.9	1.81	0.5525	7.0998
10	1.0	2.0	0.5000	7.5998

Bizning misolda Δx=(1–0)/10=0.1 bo‘lgani uchun, (9) formulaga asosan, ushbu natijani olamiz:

.

Bu taqribiy natijani xatoligini (10) formula bo‘yicha baholaymiz. Bizning misolda

va shu sababli (10) formulada M₁=2 deb olish mumkin. Bu holda

Δ≤2∙(1–0)²/(4∙10)=1/20=0.05

bo‘lgani uchun (11) aniq integralning qiymati

0.75998–0.05 < I < 0.75998+0.05 => 0.70998 < I < 0.80998

oraliqda yotadi. Bu natijani (11) integralning aniq qiymati π/4≈0.7854 bilan taqqoslab, yo‘l qo‘yilgan absolut xatolik Δ=0.0255 ekanligini ko‘rishimiz mumkin. Shunday qilib, hatto unchalik katta bo‘lmagan n=10 holda ham (9) to‘g‘ri to‘rtburchaklar formulasi ancha yaxshi natija berdi.

II. Trapetsiyalar formulasi. Soddalik uchun bu formulani I integral ostidagi funksiya f(x)>0 bo‘lgan holda qaraymiz.Bu yerda ham [a,b] integrallash kesmasini (8) nuqtalar bilan bir xil х uzunlikli n ta [x_i–1, x_i] (i=1, 2, ∙∙∙, n) kesmachalarga bo‘laklaymiz. So‘ngra y=f(x) funksiya grafigidagi A_i–1(x_i–1, f(x_i–1)) va A_i(x_i, f(x_i)) nuqtalarni to‘g‘ri chiziq kesmasi (vatar) bilan tutashtirib, egri chiziqli x_i–1A_i–1 AA_ix_i trapetsiyani to‘g‘ri chiziqli x_i–1A_i–1A_ix_i trapetsiya bilan (75-rasmga qarang) almashtiramiz.

Bu holda to‘g‘ri chiziqli x_i–1A_i–1A_ix_i trapetsiyaning yuzi

egri chiziqli x_i–1A_i–1AA_ix_i trapetsiyaning yuziga taqriban teng deb olish mumkin. Unda bu yuzalarning yig‘indisi aniq integralning taqribiy qiymatiga teng bo‘ladi, ya’ni

(12)

taqribiy formula o‘rinli bo‘ladi.

4-TA’RIF: Aniq integral uchun (12) taqribiy tenglik trapetsiyalar formulasi deyiladi.

Trapetsiyalar formulasining absolut xatoligi

(13)

formula bilan baholanadi.

Misol sifatida (11) aniq integralning taqribiy qiymatini n=10 bo‘lgan holda trapetsiyalar formulasi orqali hisoblaymiz. Oldingi hisoblash natijalaridan foydalanib,

taqribiy tenglikni hosil etamiz. Bunda hosil qilingan taqribiy natijaning absolut xatoligi

Δ=π/4–0.78498=0.7854–0.78498=0.0004

bo‘lib, to‘g‘ri to‘rtburchaklar formulasi absolut xatoligiga (unda Δ=0.0255 ekanligini eslatib o‘tamiz) qaraganda ancha kichikdir. Demak, trapetsiyalar formulasi to‘g‘ri to‘rtburchaklar formulasiga nisbatan aniqroq natija beradi. Buni ularning xatoliklarini ifodalovchi (10) va (13) formulalar orqali ham ko‘rish mumkin.

Ko‘rib o‘tilgan to‘g‘ri to‘rtburchaklar va trapetsiyalar formulalariga nisbatan aniq integralning taqribiy qiymatini aniqroq hisoblashga imkon beradigan boshqa kvadratur formulalar ham mavjudligini ta’kidlab o‘tamiz. Masalan, ingliz matematigi Simpson (1710 – 1761) tomonidan topilgan parabolalar formulasi, Chebishevning kvadratur formulasi shular jumlasidandir.
XULOSA

Oldin aniq integral ta’rifga asosan integral yig‘indining limiti singari aniqlanishini ko‘rgan edik. Ammo kamdan-kam funksiyaning aniq integralini bevosita ta’rif bo‘yicha hisoblash mumkin. Bunda juda murakkab hisoblashlarni bajarishga to‘g‘ri keladi. Shu sababli aniq integralni qulay va osonroq hisoblash usulini topish masalasi paydo bo‘ladi. Bu masalaning javobi Nyuton-Leybnits formulasi orqali beriladi. Bu formula integral hisobning eng asosiy formulasi bo‘lib, aniq va aniqmas integrallar orasidagi bog‘lanishni ifodalaydi. Agar berilgan aniq integralni to‘g‘ridan-to‘g‘ri Nyuton-Leybnits formulasi yordamida hisoblash murakkab bo‘lsa, unda ayrim hollarda bo‘laklab integrallash yoki o‘zgaruvchilarni almashtirish usullaridan foydalanish mumkin.

Bir qator hollarda integralning aniq qiymatini topish masalasi juda murakkab bo‘lishi mumkin. Bunday hollarda aniq integral qiymatini taqribiy hisoblash usullariga murojaat qilinadi. Ularga to‘g‘ri to‘rtburchaklar va trapetsiyalar formulalarini misol qilib ko‘rsatib bo‘ladi.
Tayanch iboralar