7.3-rasm. Radiatsion - konvektiv bug‘ qizdirgich: 1-baraban; 2-devorga o‘rnatilgan radiatsion bug‘ qizdirgich; 3- pardasimon radiatsion bug‘ qizdirgich; 4- shiftga o‘rnatilgan radiatsion bug‘ qizdirgich; 5- konvektiv bug‘ qizdirgich; 6- o‘ta qizigan bug‘ olib keladigan quvur. Past va o‘rta bosimli qozon agregatlarida asosan konvektiv bug‘ qizdirgichlar qo‘llaniladi. Bug‘ qizdirgich quvurlari og‘ir issiqlik sharoitida ishlaydi. Shuning uchun quvurlarni bug‘ bilan sovutib turish eng asosiy vazifa hisoblanadi. Bug‘ qizdirgich quvurlarini sovutish ishonchliligini ko’rsatuvchi kattalik - bug’ning massaviy tezligi p.o dir. Issiqlik jadal qabul qilinadigan sohada bug’ning massaviy tezligi 700-1100 kg/(m2.s), konvektiv bug‘ qizdirgichlarda po = 250-600 kg/(m2.s) bo’lishi kerak. Bug’ qizdirgich quvurlari legirlangan po’latlardan tayyorlanadi. O‘ta qizigan bug‘ temperaturasi 500OC gacha bo‘lsa, 10 va 20 markali po‘latlar ishlatiladi; 500 dan 600OC gacha teperaturalarda 12X1MF markali po’lat va 600 OC dan yuqori temperaturalarda 12X2MSF R* markali po’lat ishlatiladi. Bug’ning quvurlardagi o’rtacha tezligi 20 - 25 m/s bo’ladi. Tezlik ortgan sari gidravlik qarshiliklar ham ortadi, kichik tezliklarda esa, sovitish yomonlashadi. Shuning uchun quvurlarni sovitish uchun eng maqbul tezliklar aniqlanadi. NAZORAT SAVOLLARI 1.Bug' hosil qiluvchi yuzalar qozonning qaerida o'rnatiladi? 2.Bug' o'taqizdirgichlarning turlarini keltiring. 3.Bug' o'taqizdirgichlar qozonning qaerida o'rnatiladi? 4.Oraliq bug' o'taqizdirgich nima uchun ishlatiladi? 7.4.Rostlash tavsiflari
