FEMINISTIK TASHKILOTLAR — qator mamlakatlardagi xotin - qizlar
harakatida asosiy o‗rinni egallaydilar. Bunga AQSH yaqqol misol bo‗ladi. Bu
mamlakatdagi xotin-qizlar harakatida feministik mafkura eng yorqin va to‗la o‗z
ifodasini topgan. Keyingi yillarda feministik mafkura va harakatda ikki oqim: liberal
islohotchilik va radikal oqimlar qaror topdi.
FEMINIZM — XVIII a.da vujudga kelgan va erkak, ayollar o‗rtasida tenglik
o‗rnatish uchun harakat. I bosqichda XIX - XX a.ning birinchi yarmida huquqiy tenglik
uchun, XX a. o‗rtalaridan - amaliy tenglik uchun (II bosqich) kurash olib borgan. Hozirgi
davrning eng kuchli ijtimoiy-siyosiy harakatlaridan biri.
FETISHIZM (portugalcha
feitico , fr.
fetiche – sehrli narsa, tumor) — g‗ayritabiiy
xususiyatlarga ega deb hisoblanadigan jonsiz narsalar
– fetishlarga sig‗inish. Sig‗inish
obyektlari, ya‘ni fetishlar
– tosh, tayoq, ko‗zmunchoq, tumor va har qanday buyum
bo‗lishi mumkin. F. dinning qadimiy unsurlaridan biri. Barcha ibtidoiy xalqlarda bo‗lgan.
FIDOKORLAR MILLIY DEMOKRATIK PARTIYASI (FMDP) —
O‗zbekistondagi siyosiy partiyalardan biri. O‗zbekiston Respublikasi Adliya vazirligi
tomonidan 2000-yil 25-iyulda ro‗yxatga olingan va shu-yil Dasturi hamda Ustavi qabul
qilingan. Partiyaning asosiy maqsadi erkin bozor iqtisodiyotiga asoslangan ochiq,
huquqiy demokratik davlat qurish va fuqarolik jamiyati negizlarini barpo etish, aholi
turmush darajasini taraqqiy topgan davlatlardagi xalqlarning turmush darajasiga etkazish,
mamlakatimizning jahon hamjamiyatidan munosib o‗rin olishiga amaliy hissa
qo‗shishdan iborat. FMDP kelajakka yoshlar nazari bilan qaraydi. Yoshlarni yuksak
ma'rifatli, bilimdon, g‗oyaviy-siyosiy jihatdan hushyor, ma'naviy barkamol bo‗lib voyaga
etishini ta‘minlashga intiladi va yoshlar manfaatini himoya qilishga qaratilgan. FMDP
2008-yil ―Milliy tiklanish‖ demokratik partiyasi bilan birlashgan.
FIRQA (arab. guruh, to‗da) — islomiy e'tiqodga doir bir yoki bir necha masala
yuzasidan maxsus fikrga ega bo‗lgan kishilar guruhi; maktab, jamoa.
FLOTILIYA (fr.) — 1) harbiy-dengiz floti (harbiy-dengiz kuchlari)ning operativ
birlashmasi yoki yirik qo‗shilmasi. Dengiz, daryo, ko‗l F.lari mavjud; alohida yoki biror
flot tarkibiga kirishi mumkin. 2) ov qiluvchi, ekspedisiya yoki sport kemalari
qo‗shilmasi. O‗zbekiston Respublikasi Davlat chegaralarini himoya qilish qo‗mitasi
tarkibida Amudaryo F.si bor.
