PREFEKTURA — prefekt boshchilik qiladigan ma‘muriy boshqarma va u
joylashgan bino.
PREFERENSIYA (lot.
praeferentia – afzal ko‗raman) — biror bir faoliyat turini
qo‗llab quvvatlash uchun ayrim davlatlar, korxonalar, tashkilotlarga beriladigan
afzalliklar, imtiyozlar. Soliqlarni kamaytirish, bojxona bojlaridan tashlamalar,
to‗lovlardan ozod qilish, imtiyozli kreditlar taqdim etish shakllarida amalga oshiriladi. P.
davlat tomonidan beriladi va aniq manzilli xarakterga ega bo‗ladi. Davlatlararo
munosabatlarda P. ham o‗zaro, ham bir tomonlama tartibda bo‗lishi mumkin.
PRELIMINAR (lot
. prae -oldi,
limen - ostona, boshlanishi) — dastlabki. P. Tinchlik
shartnomasi – urushayotgan tomonlar o‗rtasidagi dastlabki bitim bo‗lib, unda bo‗lajak
tinchlik shartnomasining asosiy qoidalari: urush holatini to‗xtatish shartlari, hududiy
o‗zgarishlari, davlat chegaralari, harbiy asirlarni almashtirish, zararlarni qoplash va shu
kabilar yozib qo‗yiladi.
PREMER (fr. birinchi) — bosh vazir, birinchi vazir, vazirlar mahkamasining
boshlig‗i.
PREROGATIVA (lot.
praerogativa – afzallik, birinchilik) — biror sohada yoki
biror bir masala yuzasidan davlat organi yoki rasmiy shaxs ega bo‗lgan favqulodda
huquq. P. shaxsga yoki tashkilotga egallab turgan mavqei beruvchi ustunlik hisoblanadi.
PRESSA (fr.
presse ) — vaqtli matbuot, ya‘ni gazeta va jurnallarning umumiy nomi.
PRESS-ATTASHE (fr.
presse – vaqtli matbuot va
attaché – quyi diplomatik
daraja) — diplomatik vakolatxonaning matbuot masalalari bilan shug‗ullanuvchi xodimi.
PRESS-BYURO (ing.
pressbureau , fr.
presse – vaqtli matbuot va
bureau -byuro,
ijro etuvchi va rahbar organ)
— s‘ezd, konferensiya, kengash ishini yoritayotgan
jurnalistlariga ko‗maklashish uchun ana shu anjumanlar o‗tayotgan vaqtda tuziladigan
axborot xizmati.
