Navoiy davlat konchilik va texnologiyalar universiteti konchilik fakulteti kon elektromexanikasi kafedrasi

NAVOIY DAVLAT KONCHILIK VA TEXNOLOGIYALAR UNIVERSITETI KONCHILIK FAKULTETI
KON ELEKTROMEXANIKASI KAFEDRASI
GEOLOGIK VA TEXNOLOGIK SKVAJINALARNI BURG’ILASH FANI


MUSTAQIL ISH
Guruh: 19^A-20 TMJ Bajardi: Shomamatova.O Tekshirdi:Djurayev R


Navoiy 2022

Mavzu: Burg`ulash minora va machtalari
Reja:

1. 
   Burg`ulash minora va machtalari
   
2. 
   Burg’ulash minoralarini ko’rsatkichlari va texnik xaraktyeristikalarini tanlash
   
3. 
   Poydevorni montaj qilish va transportda tashish
   

Burg’ilash minoralari va machtalari quyidagilar uchun mo’ljallangan:
- burg’ilash va mustahkamlash quvurlari bilan tushirish-ko’tarish operatsiyalarni bajarish;
- yuksizlanib burg’ilashda tal (osma chig’ir) tizimda burg’ilash kolonnasini saqlab turish;
- quduqdan chiqarilgan shamlarni o’rnatish;
-tushirish-ko’tarish operatsiyalarini mexanizatsiyalash vositalarini joylashtirish.
Minoralar va machtalar quyidagi foydalanish-texnik talablarga javob berishi kerak:
- burg’ilash jarayonida yoki avariyalarni bartaraf qilishda paydo bo’ladigan maksimal yuklamalarda yetarlicha mustahkam va turg’un bo’lish;
- tal blokini, elevatorni joylashtirish uchun va burg’ilash shamlari hamda kolonkali to’plamlar bilan manevr bajarish uchun zarur balandlik zaxirasiga ega bo’lish;
- geologiya qidiruv ishlarida xavfsizlik qoidalariga javob berish;
- imkon qadar kichik vaznga va gabarit o’lchamlarga, shuningdek montaj-demontaj ishlarida tashishga qulaylikni va oddiylikni ta’minlaydigan konstruksiyaga ega bo’lish.
Minora – bu foydali yuklama qabul qiluvchi kamida uchta tayanchi bo’lgan konstruksiya, machta esa – bitta yoki ikkita shunday tayanchlari bo’lgan konstruksiya. Minoralar va machtalar, ularning tuzilishi va ma’lum sharoitlarda qo’llash imkoniyatlari to’g’risida to’liq tushuncha beradigan, ularning vazniga, gabarit o’lchamlariga va montaj-demontaj ishlarining usuliga ta’sir ko’rsatadigan, fazaviy geometrik shakli bo’yicha tavsiflanadi. Ushbu belgisi bo’yicha minoralar piramidasimonlarga va minorasimonlarga (kesik piramida ko’rinishida), machtalar esa – prizmasimonga, piramidasimonga, A-simonga va langarcho’pliga bo’linadi.