Jamiyatni demokratlashtirishda ommaviy axborot vositalari rolining
ortib borishi. O'zbekiston Mustaqillikka erishgandan so'ng ijtimoiy hayotning
boshqa sohalari qatori ommaviy axborot vositalariga ham yangicha munosabat
vujudga keldi. Buning boisi shunda ediki, O'zbekistonda qurilayotgan o'ziga xos,
1
Ushbu Nizom matni yuqorida zikr etilgan ta`sis konferenciyasida tasdiqlangan. Shuningdek, mazkur
konferenciyada O`zbekiston Ommaviy axborot vositalarini demokratlashtirish va qo`llab-quvvatlash ijtimoiy –
siyosiy jamg’armasining ixtiyoriy ravishda uyushmaga kirish to`g’risidagi qarori ham inobatga olingan.
2
O`zbekiston ommaviy axborot vositalari va jurnalistlari. – T.: O`zbekiston Milliy matbaoi markazi. 2003, 280-bet.
30
o'ziga mos yangi jamiyat ommaviy axborot vositalari oldiga yangi vazifalar
qo'ymoqda edi.
Bular yangi jamiyatning mohiyati, yuz berayotgan ijtimoiy-siyosiy
jarayonlar mazmuni haqida ommaga to'liqroq tushuncha berish, istiqloldek
muqaddas ne'matning olamshumul ahamiyatini adolatli va demokratik jamiyat
qurish hamda uning ravnaqi uchun kamarbasta bo'lish zarurligini har bir fuqaro
ongiga yetkazishdan iborat edi. Yangilanayotgan ijtimoiy-siyosiy, madaniy-
ma'naviy jarayonlarni hayotga tatbiq etishda faol ishtirok etishga da'vat qilish,
ularni ommaviy safarbarlikka chorlash darkor edi.
Mustaqillikning milliy qadriyat sifatida e'zozlanishi, uni yangidan yangi
mazmun bilan boyitish uchun keng jamoatchilik fikrini uyg'otish tub islohotlar
samarasini oshirishning yetakchi omillaridan biridir.
Ma'lumki, matbuot hamma vaqt rivojlanishning har bir bosqichida o'zi
yashab turgan jamiyatning manfaati uchun xizmat qilgan, uning maqsad va
intilishlarini targ'ib qilgan, yoqlab chiqqan. Zotan, haqiqiy xalqchil matbuotning
vazifasi ana shundan iborat bo'lmog'i kerak. Afsuski, sho'rolar tuzumi davrida
matbuot yakka-yu yagona kommunistik mafkura g'oyalarini targ'ib qilgan, uning
rahnamolari yo'1-yo'riqlari asosida ish tutgan, ular topshirig'ini bajargan
1
.
Xalq og'zida matbuot deb atalgan ommaviy axborot vositalari amalda
«barcha g'alabalarimizning ilhomchisi va tashkilotchisi», deb bong urilgan
kommunistik partiyaning xizmatkoriga aylangan edi. U qizil imperiyaning
suyangan tog'i, totalitar tuzum manfaatlarini himoya qiladigan G'oyaviy qurolga
aylangan edi. Tabiiyki, bu holat omma bilan matbuot o'rtasida nomutanosiblikni
vujudga keltirgan edi.
Aslida matbuot omma fikrini o'zida ifoda etishi, shu asosda o'z sahifalarida
xalq xohish-irodasini, umumxalq manfaatini va umumjamiyat istiqbolini ifodalashi
lozim. Shundagina uning obro'-e'tibori oshib, jamiyat oldidagi, xalq oldidagi
burchini xolisona ado etishi, erkin matbuotga aylanishi mumkin.
1
O`zbekiston ommaviy axborot vositalari va jurnalistlari. – T.: O`zbekiston Milliy matbaoi markazi. 2003, 281-bet.
31
O'zbekiston mustaqillikka erishgandan so'ng aytish mumkinki, matbuot va
boshqa ommaviy axborot vositalarida o'ziga xoslik paydo bo'la boshladi. Endi
gazetalar, jurnallar, radioeshittirish va teleko'rsatuvlarda bevosita respublikaning
Mustaqilligiga bag'ishlangan, ijtimoiy, iqtisodiy, siyosiy-ma'rifiy ahamiyatga
egabo'lgan mavzularga keng o'rin beriladigan bo'ldi.
Kezi kelganda shuni aytish kerakki, O'zbekiston ommaviy axborot vositalari
endilikda xorijiy mamlakatlarda yuz berayotgan voqea-hodisalar haqidagi
axborotlarni, yangiliklarni, o'sha mamlakatlar yoki yirik axborot agentliklaridan
bevosita, to'g'ridan-to'g'ri qabul qilib olish imkoniyatiga ega bo'ldilar.
Ayniqsa, 1996-yilning may oyidan boshlab respublikamizning jahondagi
yirik kompyuter tizimi «Internet» bilan aloqa o'rnatib, undan eng muhim
yangiliklarni qabul qilib olishning yo'lga qo'yilgani O'zbekiston axborot vositalari
tarixida ulkan yangilik bo'ldi.
«Internet»ning bir necha yuz million abonenti bo'lib jahondagi eng yirik
axborot markazlari unga a'zo bo'lishgan. U butun dunyo bo'yicha turli sohalardagi
yangiliklarni qabul qilib oladi hamda ana shu yangiliklarni o'z abonentlariga tez va
aniq yetkazib beradi.
O'z navbatida respublikamiz haqidagi muhim yangilik va axborotlar ham
mamlakatimizda faoliyat ko'rsatayotgan xorijiy axborot agentliklari vakillari va
muxbirlari tomonidan o'sha mamlakatlar axborot vositalari uchun bevosita
yetkazib berilmoqda. Axborot almashinuvi, dunyo voqealaridan xabardorlik, yoki
aksincha, dunyo sahnasiga chiqish, o'zini namoyon qilish imkoniyati tug'ildi.
Mustaqillik tufayli gazeta sahifalari, radioeshittirishlari va teleko'rsatuvlarda
mamlakatning qadimiy tarixi, o'tmishi, madaniyati, sho'rolar tuzumi davrida
taqiqlab qo'yilgan milliy qahramonlarimiz haqida, o'zbek xalqining o'ziga xos urf-
odatlari, aqidalari to'g'risida qiziqarli maqolalarga keng o'rin berildi. Ana shuning
o'zi endi mamlakatimizda hurriyat, hurfikrlilik, milliy manfaatlarga va milliy
ravnaqqa yo'l ochilganidan dalolat beradi.
Shuningdek,
matbuotda
islom
madaniyati,
nazariyasi,
tarixi
va
qonuniyatlarini targ'ib qilishga keng yo'l berildi. Buyuk mutasawuf allomalar
32
Hakim at-Termiziy, Imom Buxoriy, Xoja Ahmad Yassaviy, Shayx Najmiddin
Kubro, Bahouddin Naqshband, Abduxoliq G'ijduvoniy, Abu Mansur Moturudiy,
Marg'iloniy hamda boshqa qator tarixiy shaxslar, ulug' donishmandlar, xususan
Sohibqiron Amir Temur haqida keng miqyosli maqolalarning berib borilishi
jamoatchilikda katta qiziqish uyg'otdi.
Islom dinining boy ma'naviy imkoniyatlaridan foydalanishga imkon
yaratildi. Axloqiy barkamollik va ruhiy tozalik uchun zarur omil sifatida uning
taraqqiy etishiga, kundalik turmush tarzimizga kirib borishiga keng yo'l berildi.
Bularning hammasi O'zbekiston matbuotining oldingi «qizil yalovbardorlik»
illatlaridan qutulib, sog'lomlashib, xalqchil va oshkora tus ola boshlaganidan
dalolat beradi. Buni ommaviy axborot vositalarining demokratlashish sari qadam
tashlayotganining yorqin dalili, deyish mumkin.
Umuman olganda, istiqlol erkin fikrlashga, har kimning o'z fikrini oshkora
bayon qilishga, hurriyatga keng eshik ochdi. Hurfikrlilikni barqaror etishning
yangidan yangi imkoniyatlarini yaratdi. Jumladan, vaqtli matbuot turlari va sonlari
ko'paydi. Demokratik erkinlik sharoitida bir necha mustaqil siyosiy harakatlar,
jamoat birlashmalarining nashrlari tashkil qilindi. Xususan, O'zbekiston Xalq
Demokratik Partiyasining «0'zbekiston ovozi» — «Golost Uzbekistana», «Vatan
taraqqiyoti» partiyasining «Vatan», «Adolat» sotsial-demokratik partiyasining
«Adolat», «Milliy tiklanish» partiyasining «Milliy tiklanish», Fidokorlar milliy-
demokratik partiyasining «Fidokor» gazetasi, «Xalq birligi» harakatining «Birlik»
gazetalari nashr qilina boshlandi. Qator vazirliklar, davlat qo'mitalari, uyushma va
konsernlar o'z sohalariga doir nashrlar tashkil etishdi. Bunday gazeta va
jurnallarning chiqishi ma'lum tarmoq muammolarini, o'ziga xos murakkabliklarni
o'z vaqtida o'rganishga yordam beradi.
Mustaqil nashrlar o'z muassislari g'oyalari va dasturlari yo'nalishlari
doirasida mustaqil ish olib boradilar. Islohotlar va yangilanishlarga o'z
munosabatlari, muammolarga yondashish usullari bor. Biroq, yagona maqsad —
istiqlol taqdiri, mamlakat va xalq istiqboli ularni birlashtirib turadi.
33
Prezident I.A.Karimov ommaviy axborot vositalarining rolini alohida
ta'kidlab, - «Erkin va mustaqil ommaviy axborot vositalari har tomonlama rivoj
topishi lozim. Ular haqli ravishda hokimiyatning to'rtinchi tarmog'i boiishi darkor.
Ommaviy axborot vositalari hayotimizga kun sayin chuqurroq kirib borayotganini
hozir hech kim inkor etolmaydi. Bu jarayonni tabiiy hoi, deb qabul qilmoqdamiz.
Bugungi kunda nashrlar soni ko'payibgina qolmasdan — hozir 490 ta gazeta va
138 ta jurnal ro'yxatga olingan — jamiyatni rivojlantirish va davlat qurilishida
ularning ahamiyati va tutgan o'rni ham ortib bormoqda» - degan edi (7-j., 390—
391-betlar). Bulardan tashqari, hozir respublikamizda bir qancha telestudiya,
viloyat, shahar va tumanlarda radio studiyalar va 4 ta axborot agentligi faoliyat
ko'rsatmoqda.
1
Mamlakatimizda izchillik bilan amalga oshirilayotgan islohotlar ommaviy
axborot vositalari zimmasiga butunlay yangi vazifalarni qo'ya boshladi.
Matbuotning aholida yangicha ong va tafakkurni shakllantirishda ta'sirchan qurol
bo'lishini, kishilarning fikr va xohish-irodasining erkin, xolis ifodachisi, aytish
mumkinki, inson manfaatlarining izchil va faol himoyachisi bo'lishini hayotning
o'zi taqozo qilmoqda.
Aslida ham shunday bo'lmog'i kerak. Har qanday matbuot organi eng
avvalo, xalq manfaati va mamlakat istiqbolini ko'zlashi lozim. Ana shunda u milliy
qadriyatga aylanadi. Keng jamoatchilik tan oladi. Aks holda u umummanfaat
mulkiga emas, bir hovuch uyushgan xudbin shaxslarning beqadr mulkiga aylanadi,
xolos.
Shuni
alohida
ta'kidlash
kerakki,
demokratik
jarayonlar
ancha
chuqurlashgan, demokratik matbuotga ega bo'lgan rivojlangan mamlakatlarda so'z
va frkr erkinligi asta-sekin o'z oqimi bilan kirib kelgan. Jamiyatni tubdan isloh
qilish, asrlar mobaynida shakllanib qolgan tushunchalarni sindirish, hurfikrlilikni
turmush tarziga aylantirish maqsadida ana shunday qonunlarning qabul qilinishi
O'zbekiston uchun katta siyosiy, madaniy, qolaversa, huquqiy voqelikdir. Ayni
1
To`rtinchi hokimiyat: O`zbekiston Respublikasining qonunlari, qarorlari va boshqa hujjatlari to`plami, - T.:
“Mehnat”, 1998, 65-bet.
34
paytda u matbuot jahon andozalariga moslashtirish, fuqarolarni erkin fikrlashga
o'rgatish va shu asosda jamiyatni sog'lom fikrlar asosida butunlay qaytadan qurish
davlat siyosati darajasiga ko'tarilganligini ko'rsatadi.
Qolaversa, xuddi ana shunday qonunlarga Mustaqil Davlatlar Hamdo'stligi
mamlakatlarida ham ehtiyoj katta. Biroq, ularning ayrimlari boshboshdoqlikka
aylanib ketgan, jilovsiz va yuzaki demokratiya ishqibozlari bo'lsa, ayrimlari hali
o'zlarini yig'ib olib, xotirjam fikrlash imkoniyatiga ega emaslar. Boshqacha qilib
aytganda hali bungacha yetib kelganlari yo'q.
Ma'naviyatga e'tibor, so'z va fikr erkinligiga ma'naviy mezon sifatida
yondashish, hurfikrlilikka yuksak axloq, komillik va ma'rifatlilik ko'zgusi sifatida
qarash uchun eng avvalo jamiyatda barqarorlik mavjud bo'lishi kerak.
Fuqarolaming maqsad va intilishlari yagona yo'lga safarbar etilishi, ular o'z ertasini
va olis istiqbolini aniq ko'ra bilishi, uni boshqarayotgan hukumatga qat'iy ishona
olishi darkor. Bunday vaziyat esa, aytish mumkinki, sobiq Ittifoq tarkibidan ajralib
chiqqan barcha Mustaqil mamlakatlar orasida faqat O'zbekistonda mavjud.
Bunday Qonunlarning qabul qilinishi konkret sharoitdan, mavjud ijtimoiy-
siyosiy jarayonlar oqimi natijasida kelib chiqqan hodisa bo'lib, O'zbekistonda turli
fikrlar va qarashlar rivojlanishining o'zbekona «modeli» shakllanayotganining
belgisi, demokratik qadriyatlarning O'zbekiston uchun xos bo'lgan ko'rinishlarning
yuzaga kelishidir.
1996-yil 2-avgustda Oliy Majlis «Mualliflik huquqi va turdosh huquqlar
to'g'risida», «Noshirlik faoliyati to'g'risida» qonunlar qabul qildi. Bular
mamlakatimizda ixtirochilik va badiiy ijod mualliflari huquqini himoya qilishga,
noshirchilik faoliyatini rivojlantirishga xizmat qiladi.
Demokratiyaning, konstitutsiyaviy taraqqiyotni ta'minlashning, inson
huquqlari va erkinliklari, qadr-qimmatini himoya qilishning g'oyat muhim masalasi
sifatida televideniye va radioeshittirish tizimini milliy g'oyalar asosida qayta
shakllantirish, uning respublikada iqtisodiy, siyosiy va ijtimoiy islohotlarning
amalga oshirishdagi ta'sirini kuchaytirish maqsadida 1996-yil 7-mayda
«0'zbekistonning ijtimoiy taraqqiyotida televideniye va radioning rolini oshirish
35
chora-tadbirlari to'g'risida» Farmon qabul qilindi. Unda O'zbekiston Davlat
televideniye va radioeshittirish Qo'mitasi O'zteleradiokompaniyaga aylantirildi.
Uning vazifasi qilib quyidagilar belgilandi:
Birinchidan, axborotlarning mafkuradan mutlaqo xoli bo'lishini nazarda
tutgan holda aholi hamda jamiyatning xolisona, haqqoniy va xilma-xil
axborotlariga ehtiyojini o'rganish va qoniqtirish;
Ikkinchidan, mamlakat aholisini, shuningdek, chet el jamoatchiligini
O'zbekistonning siyosiy, iqtisodiy va ijtimoiy-madaniy hayotida sodir boiayotgan
o'zgarishlar to'g'risida keng xabardor qilish va hokazolar.
O'zbekiston Respublikasida 2008-yil holatiga 967 ta ommaviy axborot
vositasi: ulardan 681 ta gazeta, 189 ta jurnal, 4 axborot agentligi, 51 ta telestudiya,
14 ta radiostudiya bundan tashqari 49 ta kabel televideniyesi, 464 ta elektron
axborot vositasi yoki Internet faoliyati ko'rsatib turibdiki, bu mamlakatimizda
OAVlarni faoliyat yuritishi uchun, fuqarolarning axborot olish, axborot uzatish,
so'z va e'tiqod erkinligini amalga oshirishlari uchun yaratilganligidan dalolat
beradi.
Prezident I.A.Karimov Oliy Majlis Qonunchilik palatasi va Senatining 2005-
yil 28-yanvardagi qo'shma sessiyasidagi ma'ruzasida O'zbekistonda demokratik
yangilanishlar jarayonini chuqurlashtirish va fuqarolarning erkinliklarini
ta'minlashning g'oyat muhim sharti bo'lgan ommaviy axborot vositalarini
rivojlantirish uchun demokratik andoza-larni joriy etish bo'yicha aniq va izchil
choralarni amalga oshirish zarurligiga alohida e'tibor berdi. «Bu boradagi asosiy
vazifa — mamlakatimizda islohotlarni chuqurlashtirish jarayonining muhim
tarkibiy qismi bo'lmish matbuot, televideniye, radio faoliyatini yanada
liberallashtirish, ularning mustaqilligi va erkinligini ta'minlashdan iborat», deb
alohida uqtirdi.
1
Mazkur ma'ruzada belgilangan vazifalarni amalga oshirish yuzasidan
Prezident I.A.Karimov 2005-yil 10-martdagi «Jamiyatni demokratlashtirish va
1
Karimov I.A. Inson uning huquq va erkinliklari - oliy qadriyat. Matbuot va ommaviy axborot vositalari
xodimlariga. 14.T. T.: “O`zbekiston”, 2006, 268-270-betlar.
36
yangilash, mamlakatni islohot etish va modernizatsiyalash maqsad va vazifalarini
amalga oshirish Dasturi to'g'risida» qaror qabul qildi. Qaror bilan «Ommaviy
axborot vositalari faoliyatini demokratlashtirish sohasidagi islohotlarning ustuvor
yo'nalishlarini amalga oshirish Konsepsiyasi» tasdiqlandi. Boshqacha qilib
aytadigan bo'lsak bu — sohaga oid qonunchiligimiz bazasini xalqaro demokratik
andozalar asosida qayta ko'rib chiqish va mustahkamlash vazifasi belgilangan
muhim Konsepsiyadir.
Shu bilan birga bir qator yangi me'yoriy hujjatlar ham qabul qilindi.
Jumladan:
— OAV vakillarini vakillik va ijro organlarida doimiy akkreditatsiyadan o'tkazish
vositasida jurnalistlarning davlat idoralarining faoliyatidan xabardor bo'lib turish,
vaqtida kerakli axborotlar olish hamda ularni tezkorlik bilan jamoatchilikka
yetkazish imkonini beradi;
Dostları ilə paylaş: |