Nizomiy nomidagi toshkent davlat pedagogika universiteti muslimov narzulla alixanovich

Pedagog mehnatini ilmiy asosda tashkil etish sohasidagi bilim va 
malakalarini takomillashtirish – 
mehnat ta’limi darslarida amal qilinadigan 
hujjatlarni ilmiy asoslangan tarzda ishlab chiqish; о‘quv ustaxonalarini zarur 
materiallar, asbob-uskunalar bilan muntazam ta’minlab turish tadbirlarini 
belgilash, ish joyini ilmiy asosda tashkil etish, ta’limning eng samarali kо‘rsatmali 
va texnikaviy vositalaridan oqilona foydalanish yо‘li bilan erishiladi. 
Didaktik materiallar tayyorlash. 
Nazariy va amaliy mashg‘ulotlar uchun 
manba sifatida ishlatiladigan vositalarni tayyorlash ham metodik ishlarga kiradi. 
О‘quv va didaktik materiallarni tayyorlash deganda, о‘qituvchi tomonidan ularning 
tanlanishi va nazariy yoki amaliy mashg‘ulotlar maqsadiga moslashtirilishi 
tushuniladi. Agar tayyor vositalar yо‘q bо‘lsa, u holda bu vositalarni 
о‘qituvchining о‘zi tayyorlashiga tо‘g‘ri keladi. 
О‘quv va didaktik materiallarni tayyorlashda mehnat ta’limi о‘qituvchisi 
chegaralangan vaqt va texnik imkoniyatlarni inobatga olgan holda e’tiborini 
quyidagilarga qaratishi lozim: 
-ish varaqalari, tarqatmalar (bosilgan matnlar nusxalari), slaydlar, doska 
tasvirlari uchun eskizlar; 
-yozma topshiriqlar, yozma va og‘zaki testlar uchun sо‘rov qog‘ozlari; 
- baholash varag‘i, nazorat qog‘ozi; 
- ish rejalari, tashkiliy hujjatlar. 
О‘qituvchi uchun materiallar nafaqat sohaga tegishli ma’lumotlarni, balki 
tashkiliy ishlar, usul va natijalarni baholash borasidagi ma’lumotlarni ham о‘z 
ichiga oladi. О‘quvchilar uchun materiallar esa qoida bо‘yicha faqatgina sohaga 
tegishli jihatlarni о‘z ichiga oladi. 

---

278 
Didaktik 
materiallar 
о‘quvchilarga mо‘ljallangan bо‘lsa, о‘qitish 
materiallardan farq qilishi mumkin. Masalan: topshiriqlar varaqlari, savolnomalar, 
yо‘naltiruvchi usul savollari va muayyan tarqatma materiallar. 
Tarqatma materiallar tayyorlash bо‘yicha eng yangi usullardan biri bu 
matnlarni ranglar bilan ajratish sanaladi: 
-oq qog‘ozlar: mazmuniy jihatlar borasida matnlar (о‘qituvchi va о‘quvchilar 
uchun) 
-yashil qog‘ozlar: о‘quvchilarga topshiriqlar 
-qizil qog‘ozlar: о‘qituvchining metodik hujjatlari va topshiriqlarning javob 
varaqalari. 
Ranglarni kodlash ham hujjatlardan foydalanishni yengilllashtiradi. 
Shuningdek, bugungi kunda kompyuter texnologiyalaridan foydalangan holda turli 
о‘quv didaktik materiallar tayyorlash uchun keng imkoniyatlar mavjud.