Bolalarning aqliy va sensor rivojlanishi va ta’lim olishida xizmat qiladigan о‘yinchoqlar turi. Bunday о‘yinchoqlarga mozaikalar, stol ustida о‘ynaladigan va bosma о‘yinlar, xalq о‘yinchoqlari(matryoshkalar, piramidalar, rangli sharlar, xushtaklar, chillaklar) kiradi.
Yosh guruhi
Yosh belgisiga kо‘ra birlashtiriladigan kishilarning biron bir shartli katta guruhi. Yoshni davrlashtirishga muvofiq MTMda bolalarning yoshiga kо‘ra an’anaviy ajratiladigan guruhlar: yasli yoshdagi bolalar guruhi, birinchi kichik yoshdagi bolalar guruhi, ikkinchi kichik yoshdagi bolalar guruhi, katta bolalar guruhi va maktabga tayyorlov guruhi.
Iste’dod
Qobiliyatlar, iqtidorlarning yuqori darajada rivojlanganligi bо‘lib, ijodiy faoliyat turlarida namoyon bо‘ladi.
Biron narsaning bajarilishining murakkab va meyoriy jihatdan belgilangan usuli. Mehnat subyekti faoliyatining sifat jihatdan belgilanadigan shakli. Inson bajarayotgan faoliyatning murakkabligini tavsiflaydigan mezon.
Maktabgacha bolalik
Bolaning tug‘ilganidan to maktabga borguncha bо‘lgan rivojlanish davri; bola organizmining jadal voyaga yetishi va ruhiyatining shakllanishi bilan belgilanadi.
Maktabgacha yosh
Bolaning ruhiy rivojlanish bosqichi. Bola rivojlanishining hozirgi zamon milliy davrlashtirilishi bо‘yicha 3 yoshdan 7 yoshgacha bо‘lgan davri.
