10 – mavzu Tabiatshunoslikni o’qitishning moddiy bazasi.
1. Tabiatshunoslik darslarini jihozlash:
a) tabiiy qurollar;
b) xarita, globus, proyeksion apparatlar, tajribalar o’tkazish uchun jihozlar
2. Jonli tabiat burchagi, uni tashkil qilish, jihozlash va ahamiyati
3. O’lkashunoslik burchagi, uni tashkil qilish va ahamiyati
4. Jug’rofiya maydonchasi, uni jihozlash va ahamiyati
Adabiyotlar ro’yxati
Asosiy adabiyotlar: 5, 18, 28, 29, 31.
Qo’shimcha adabiyotlar: 12, 16, 17, 27, 32.
Tayanch iboralar: tabiatshunoslik, tabiiy qurollar, proyeksion apparatlar, xarita, globus, tajribalar o’tkazish uchun jihozlar, jonli tabiat burchagi, o’lkashunoslik burchagi, jug’rofiya maydonchasi, laboratoriya jihozlari
Ma’lumki tabiatshunoslik darslarini qiziqarli, ongli, ta’sirchan o’tkazish uchun maktab tabiatshunoslik kabinetlari katta ahamiyatga ega.
Tabiatshunoslikni o’qitish tirik o’simlik va hayvonlar ustida ko’rgazmali va amaliy metodlarni qo’llanish asosida mashg’ulotlar o’tkazishga imkon beradigan moddiy bazani tashkil etishni talab qiladi. Tabiatshunoslik xonasida jonli va jonsiz tabiat bo’yicha kerakli jihozlar mavjud bo’lishi kerak. Probirka, lampa, termometr, har xil hajmdagi o’lchagich idishlar, tasviriy sxematik ekrani ko’rgazmalar, texnik vositalar (diafilm, diapozitivlar, grammplastinkalar (qushlarni ovozi yozilgan) stendlar, tablisalar, tabiiy karta, globus, devoriy gazetalar va hokazo.
Tabiatshunoslik xonasini jihozlash, qurollar saqlash sistemasini uyushtirish, darslarda o’qituvchiga yordam berish bularning hammasi o’quvchilarda tashkiliy o’quv va mehnat madaniyatini tarbiyalash vositasi hisoblanadi.
Tabiatshunoslikni o’qitishning moddiy bazasini asosan quyidagilar tashkil etadi:
1. Tabiatshunoslik darslarini jihozlash.
2. Jonli tabiat burchagi.
3. O’lkashunoslik burchagi.
4. Jug’rofiya maydonchasi.
Endi har bir qismning o’ziga xos xususiyatlariga e’tiborni qaratmoqchimiz. Ularning tarkibiy qismlarini nimalar tashkil qiladi, ular bilan qanday ishlash kerak kabi savollarni ko’rib chiqamiz.
Dostları ilə paylaş: |
