20-mavzu. O‘SIMLIKCHILIK TARMOQLARI IQTISODIYOTI Reja: 20.1.1. O‘simlikchilikning xalq xo‘jaligidagi ahamiyati 20.1.2.O‘simlikchilik tarmoqlari iqtisodiyotini o‘rganish hususiyatlari 20.1.3.G‘allachilikning xalq xo‘jaligidagi ahamiyati 20.1.4.G‘allachilikning rivojlanishi, hozirgi axvoli va istiqbollari 20.1.6.G‘allachilikning iqtisodiy samaradorligini oshirish imkoniyatlari 20.1.7.Paxtachilikning xalq xo‘jaligidagi ahamiyati 20.1.8. Paxtachilikning rivojlanishi, hozirgi ahvoli va istiqboli 20.1.9. G‘o‘zaning respublikamizda keng tarqalgan turlari: 20.1.10. Paxtachilikning iqtisodiy samaradorligini oshirish imkoniyatlari 20.1.11.Kartoshkachilikning xalq xo‘jaligidagi ahamiyati 20.1.12.Kartoshkachilikning rivojlanishi, hozirgi ahvoli va istiqboli 20.1.13.Kartoshkachilikning iqtisodiy samaradorligini oshirish imkoniyatlari 20.1.14.Chorvachilik ozuqa resurslarining xalq xo‘jaligidagi ahamiyati 20.1.15. Ozuqa resurslarini ko‘paytirish, uning xozirgi axvoli va istiqboli
20.1.16.Ozuqa bazasi tushunchasi va ozuqa einlarining iqtisodiy bahosi 20.1.17. Ozuqa resurslarini ishlab chiqarish va ulardan foydalanishning iqtisodiy samaradorligini oshirish imkoniyatlari
20.1.1. O‘simlikchilikning xalq xo‘jaligidagi ahamiyati O‘simlikchilik qishloq xo‘jaligi ishlab chiqarishining yetakchi tarmog‘i hisoblanadi. Uning mahsulotlari insonlar uchun oziq-ovqat, chorvachilik uchun yem-xashak, sanoat uchun – xom ashe sifatida foydalaniladi.
O‘simlikchilik mahsulotlari jahon xalqlarining eng yirik tabiiy va iqtisodiy boyligidir. XXI asr boshlarida jahon olimlari tomonidan yer yuzida 500 mingga yaqin o‘simliklarning mavjudligi aniqlangan. Ularning 23 ming yoki 4,6 foizining mahsulotlaridan jahon xalqlari turli xil maqsadlar uchun foydalanadilar. Ularning 6 ming yoki 26,1 foizi madaniy ekinlar guruhiga kiradi, shu jumladan 400 turi yoki 6,6 foizi O‘zbekistonda uchraydi; ulardan 120 yoki 30 foizi ochiq va yopiq maydondarda rivojlantiriladi, ularning mahsulotlaridan aholi uchun oziq-ovqat, chorva uchun – yem-xashak, sanoat uchun natural xom ashyo sifatida foydalaniladi, xolos.
Ilmiy izlanish natijalari shuni ko‘rsatadiki, jahon, shu jumladan O‘zbekiston xalqlari, yaqin kelajakda o‘simlikchilik mahsulotlaridan yanada kengroq va samaraliroq foydalanish uchun real imkoniyatlarga ega. Asosiy vazifa bosqichma-bosqich ularni ishga solish, ko‘proq, sifatliroq va raqobatlilik darajasi yuqoriroq mahsulotlarni ishlab chiqarish, binobarin iste’mol qilishdir.
